امریکی ریاست ٹیکساس میں مسلح شخص نے یہودیوں کی عبادت گا ہ میں داخل ہوکر وہاں موجود متعدد افراد کو یرغمال بنا لیا تاہم دس گھنٹے بعد انہیں رہا کرالیا گیا ہے جب کہ عافیہ صدیقی کی رہائی کا مطالبہ کرنے والا ملزم مارا گیا۔
غیر ملکی خبر رساں ادارے کے مطابق سینی گاگ میں یرغمال بنا ئے گئے چار افراد کو رہا کرالیا گیا ہے جب کہ دوطرفہ فائرنگ کے نتیجے میں ملزم ہلاک ہو گیا ہے۔ اس موقع پر فائرنگ کے ساتھ ساتھ دھماکوں کی آوازیں بھی سنی گئیں۔
غیر ملکی خبر رساں ایجنسی کے مطابق یہ واقعہ مقامی وقت کے مطابق 11 بجے اس وقت پیش آیا جب ٹیکساس کے قصبے کولی ویلے میں واقع سینی گاگ( یہودیوں کی عبادت گاہ) میں بذریعہ فیس بک آن لائن عبادت کی جا رہی تھی۔
ملزم نے لائیو اسٹریمنگ کے دوران جب یرغمالیوں کو اپنے قبضے میں لیا، تو اس کی اس کارروائی اور بعد میں کی جانے والی گفتگو کو بہت سے آن لائن شرکاء نے بھی لائیو دیکھا اور سنا۔
عبادت کے دوران پس منظر میں ایک مشتعل شخص کی آواز سنا ئی دی جو کہہ رہا تھا کہ ’ تم نے میری بہن کو فون پر پکڑا اور میں مرنے جا رہا ہوں‘
قانون ناٖفذ کرنے والے اداروں نے امریکی ذرائع ابلاغ کو بتایا کہ ملزم کی جانب سے فیس بک پر امریکا میں قید نیورو سائٹنسٹ عافیہ صدیقہ کی رہائی کا مطالبہ بھی سنا گیا۔
ٹیکساس پولیس کا کہنا ہے عبادت گاہ کے اطراف کے علاقوں کو خالی کراکے خصوصی پولیس فوس تعینات کردی گئی تھی جب کہ ایک یرغمالی کو صحیح حالت میں رہا کیا گیا۔
پولیس کے مطابق قانون نافذ کرنے والے ادارے نے تصدیق کی ہے کہ عبادت گاہ میں اور لوگ بھی موجود ہیں لیکن کسی کو نقصان پہنچنے کے حوالے سے کوئی اطلاع موجود نہیں ہے تاحال اس بارے میں وضاحت نہیں ہے کہ یہ شخص مسلح ہے یا نہیں۔
پولیس اور ایف بی آئی کے مصالحت کاروں نے کئی گھنٹے عبادت گزاروں کو یرغمال بنانے والے فرد سے مذکرات کیے تاہم مذاکرات میں ناکامی کی صورت میں کارروائی کی گئی۔ یرغمال کنندہ ملزم امریکا کے لیے واضح طور پر اپنی ناپسندیدگی کا اظہار کر رہا تھا۔
بعد ازاں ایف بی آئی نے صرف اتنا کہا کہ اس کارروائی کے دوران گولی لگنے سے اس واقعے کا ذمے دار ملزم ہلاک ہو گیا تاہم ملزم کو شناخت کر لیا گیا ہے لیکن اس کی شناخت یا ذاتی کوائف کے بارے میں فی الحال کچھ بھی نہیں بتایا جا سکتا۔
ادھر وائٹ ہاؤس پریس سیکریٹری جین پساکی نے ایک ٹویٹ میں کہا کہ امریکی صدر جو بائیڈن کو ڈیلاس میں ہونے والے واقعے کی بدلتی صورتحال سے آگاہ کیا جا رہا ہے۔
اسرائیلی وزیرِاعظم نفتالی بینیٹ نے بھی ایک ٹویٹ میں کہا کہ میں نے بھی ساری صورتحال پر نظر رکھی ہوئی ہے، ہم یرغمال بنائے گئے افراد اور ان کو ریسکیو کرنے والوں کے تحفظ کے لیے دعاگو ہیں۔
واضح رہے عافیہ صدیقی وہ پاکستانی خاتون سائنس دان ہیں، جنہیں پر امریکا کی جانب سے القاعدہ سے تعلق کے شبے میں گرفتار کیا گیا اور وہ افغانستان میں امریکی فوجی اہلکاروں کے قتل کی کوششوں کے جرم میں ٹیکساس کی ایک جیل میں 86 برس قید کی سزا کاٹ رہی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News