نو منتخب اسرائیلی وزیر اعظم نفتالی بینیٹ کا کہنا ہے کہ آئندہ مرحلے میں اُن کا اور اسرائیل کا مرکزی مشن ایرانی نظام اور مختلف علاقوں میں تہران کے زیر انتظام تنظیموں اور جماعتوں کو نقصان پہنچانا ہے۔
انہوں نے کہا کہ اسرائیل کے کاندھوں پر یہ ذمے داری ہے کہ وہ ایرانی نظام کو نمایاں ضرر پہنچائے۔
جمعرات کی شام کی گئی ایک ٹویٹ میں بینیٹ نے تصدیق کی کہ انہوں نے اسرائیلی فوج کی کمان کے ساتھ اجلاس میں ملک کو درپیش مختلف چیلنجز پر تبادلہ خیال کیا، جن میں سرفہرست ایران کا خطرہ ہے۔
خیال رہے کہ اسرائیلی خبر رساں ویب سائٹ نے ایرانی میزائلوں کے نشانے پر موجود اسرائیلی اہداف کا انکشاف کیا تھا۔ جن میں سرفہرست جوہری اور تزویراتی تنصیبات ہیں۔
ویب سائٹ کے مطابق ایران نے اسرائیل کے اندر “نیوکلئیر اہداف کا ایک سیٹ” طے کیا ہوا ہے۔
ویب سائٹ نے دعویٰ کیا کہ اسرائیل کی جانب سے مستقبل میں ایرانی جوہری تنصیبات پر کسی بھی اقدامی حملے کی صورت میں مذکورہ اسرائیلی جوہری اہداف کو نشانہ بنایا جائے گا، ایران اس کے لیے مسلسل تیاری کر رہا ہے۔
واضح رہے کہ اسرائیل متعدد مواقع پر اعلان کر چکا ہے کہ وہ ضرورت پڑنے پر ایران کے خلاف اکیلے کارروائی کے لیے تیاری کر رہا ہے۔
اسرائیلی فوجی کمان نے گذشتہ ہفتوں کے دوران میں تفصیلی اقدامات کیے ہیں، جن کا مقصد ایران کے جوہری پروگرام پر فوجی حملے کی راہ ہموار کرنا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News