بالی ووڈ کی اداکار فردین خان کا کورونا وائرس ٹیسٹ مثبت آگیا ہے۔
اداکار فردین خان نے بتایا کہ کورونا وائرس کا ٹیسٹ علامات نہ ہونے کے باوجود میرا ٹیسٹ مثبت آیا ہے۔
غیر ملکی خبر رساں ادارے کے مطابق بدھ کے روز فردین خان نے کورونا ٹیسٹ مثبت آنے کی تصدیق کی اور ساتھ ہی انکشاف کیا کہ ’اُن میں وائرس کی کوئی علامت نہیں ہے‘۔
اداکارفردین خان کا کورونا ٹیسٹ مثبت آنے کی خبر پر مداحوں نے اُن کی جلد از جلد صحتیابی کی خواہش ظاہر کیا ہے۔
انہوں نے مزید کہا کہ صحتیابی کے لیے تمام لوگ نیک تمنائیں بھیج رہے ہیں۔
ایک صارف نے لکھا ’میری دعائیں آپ کے ساتھ ہیں، اپنا خیال رکھنا‘۔
ایک اور مداح نے لکھا کہ سر آپ جلد ٹھیک ہوجائیں، ہم آپ کو دوبارہ اسکرین پر دیکھنے کے منتظر ہیں۔
ایک مداح نے انہیں اپنا خیال رکھنے کی تجویز دی تو دوسرے نے ان کی جلد صحتیابی کی خواہش کااظہار کیا۔
انہوں نے کہا کہ اگر آپ کو بھی شک ہو تو کوویڈ 19 کا ٹیسٹ کراتے رہیں کیونکہ حالیہ قسم بچوں کو بھی نشانہ بنارہی ہے۔
فردین خان نے یہ بھی کہا کہ چھوٹے بچوں تک رسائی اور محدود ادویات سے بہتر ہے کہ قرنطینہ میں خوش رہا جائے۔
واضح رہے کہ فردین خان جو مرحوم اداکار فیروز خان کے بیٹے ہیں نے 1998ء میں بالی ووڈ میں قدم رکھا تھا اور اپنی آخری فلم دلہا مل گیا 2010ء میں کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News