ڈاکٹر عارف علوی نے کہا ہے کہ ٹیکس چوری سے ملک کی معیشت متاثر ہوتی ہے۔

صدر مملکت ڈاکٹر عارف علوی نے ٹیکس نظام سے متعلق سیمینار سے خطاب کرتے ہوئے کہا کہ معاشی ترقی کے لیے ٹیکس نظام کی اصلاح ضروری ہے۔

اس موقع پر صدر مملکت نے کہا کہ پاکستان میں بہت کم لوگ ٹیکس دیتے ہیں، ترقی یافتہ ممالک میں ہر شہری ٹیکس دیتا ہے۔

ڈاکٹر عارف علوی کا کہنا تھا کہ ٹیکس چوری سے ملک کی معیشت متاثر ہوتی ہے، یکس دہندگان کو زیادہ سے زیادہ سہولت فراہم کی جائیں۔

انہوں نے کہا کہ آف شورز کمپنی کے ذریعے خاص طبقے نے ٹیکس چوری کیا جبکہ ٹیکس چوری کی رقوم سوئس بینکوں اور یورپ میں منتقل کی گئیں۔

ڈاکٹر عارف علوی نے کہا کہ ٹیکس کی رقوم ملک کی تعمیر و ترقی کے لئے خرچ کی جانی چاہیے۔

صدر مملکت ڈاکٹر عارف علوی کا مزید کہنا تھا کہ معاشرے کی اصلاح کے لیے احتساب اور قانون پر عمل درآمد لازمی ہے وزیراعظم نے ٹیکس چوری اور منی لانڈرنگ سے متعلق آواز بلند کی۔