ایک شخص نے اپنی بیوی کو یہ جاننے کے بعد طلاق دے دی کہ وہ شادی سے پہلے سگریٹ نوشی کرتی تھی۔

عرب میڈیا رپورٹ کے مطابق سعودی عرب میں ایک شخص نے شادی سے قبل بیوی کی سگریٹ نوشی کی عادت کا سن کر اسے طلاق دیدی۔

میڈیا رپورٹ میں بتایا گیا ہے کہ سعودی شہری نے گزشتہ ہفتے اپنے وکیل کو بتایا کہ وہ اپنی بیوی سے علیحدگی اختیار کرنا چاہتا ہے کیونکہ اسے خدشہ ہے کہ وہ دوبارہ سگریٹ نوشی شروع کر سکتی ہے۔

شہری نے طلاق دینے کی وجہ بتاتے ہوئے کہا کہ اس بات کی کوئی گارنٹی نہیں کہ میری بیوی دوبارہ سگریٹ نوشی شروع نہیں کرے گی جبکہ اس کی یہ عادت میری سماجی حیثیت کو نقصان پہنچا سکتی ہے۔

عرب میڈیا کے مطابق وکیل نے بتایا کہ بیوی نے اپنے شوہر کے سامنے اعتراف کیا  کہ وہ شادی سے قبل سگریٹ نوشی کرتی تھی لیکن شادی کے بعد یہ عادت چھوڑ چکی ہے۔

تاہم شوہر نے عدالت میں مؤقف اختیار کیا ہے کہ اسے سگریٹ پینے والی خواتین پسند نہیں ہیں لہٰذا اس نے بیوی کو طلاق  دینے کا فیصلہ کیا ہے۔

تاہم عدالت نے شوہر کے حق میں فیصلہ سناتے ہوئے بیوی کو ہدایت کی کہ وہ تمام اشیا واپس کرے جو اسے شادی کے وقت اپنے شوہر کی جانب سے دی گئی تھیں۔