ویٹوری پاکستان کے خلاف وائٹ بال سیریز کے لیے آسٹریلیا کے اسپن کنسلٹنٹ مقرر

ویب ڈیسک

21st Mar, 2022. 07:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویٹوری پاکستان کے خلاف وائٹ بال سیریز کے لیے آسٹریلیا کے اسپن کنسلٹنٹ مقرر

ڈینیئل ویٹوری کو پاکستان کے خلاف وائٹ بال سیریز کے لیے آسٹریلیا کا اسپن کنسلٹنٹ مقرر کر دیا گیا ہے۔

تفصیلات کے مطابق کرکٹ آسٹریلیا نے تصدیق کی ہے کہ نیوزی لینڈ کے سابق کپتان ڈینیئل ویٹوری کو پاکستان کے خلاف محدود اوورز کی سیریز کے لیے آسٹریلیا کا اسپن کنسلٹنٹ نامزد کیا گیا ہے۔

ویٹوری نے 2019 اور 2021 کے درمیان بنگلہ دیش کے اسپن باؤلنگ کوچ کے طور پر خدمات انجام دیں جبکہ وہ 2017 میں ہندوستان کے دورے سے قبل آسٹریلیا کے سیٹ اپ کے رکن بھی تھے۔

ویٹوری کو نیوزی لینڈ کرکٹ میں کسی لیجنڈ سے کم نہیں سمجھا جاتا ہے، جس نے ٹیسٹ میں 362، ون ڈے میں 305 اور ٹی ٹوئنٹی میں 38 وکٹیں حاصل کیں۔

ویٹوری اس سے قبل رائل چیلنجرز بنگلور (آر سی بی ) اور بارباڈوس رائلز کی کوچنگ کر چکے ہیں۔

پاکستان اور آسٹریلیا کے درمیان تیسرا اور آخری ٹیسٹ میچ جاری ہے جس کے پہلے دو میچ ڈرا ہونے کے بعد سیریز کا ابھی تک کوئی نتیجہ سامنے نہیں آیا جبکہ ون ڈے سیریز 29 مارچ سے شروع ہونے والی ہے۔

واضح رہے کہ آسٹریلیا لاہور میں تین ون ڈے اور ایک ٹی ٹوئنٹی میچ کھیلے گا۔