سگریٹ نوشی مضرِ صحت اور اور تمباکو کا کسی بھی صورت میں استعمال زہر استعمال کرنے کے برابر ہے۔

ماہرین کے مطابق سگریٹ نوشی کی لت 50 سے زائد بیماریوں کا سبب بنتی ہے، جن میں پھیپھڑوں کا کینسر، سٹروک، دل کی بیماریاں اور ہارٹ اٹیک و دیگر شامل ہیں، یہی وجہ ہے کہ سگریٹ نوشی موت کے چند بڑے اسباب میں سے ایک ہے۔

برطانوی اخبار دی سن کے مطابق اس صورتحال کی سنگینی کا اندازہ اس بات سے لگایا جا سکتا ہے کہ صرف برطانیہ میں ہر سال  78ہزار لوگ سگریٹ نوشی کی وجہ سے موت کے منہ میں چلے جاتے ہیں۔

اس ضمن میں ماہرین کی جانب سے ایک تحقیق کی گئی ہے جس میں یہ بات سامنے آئی ہے کہ سگریٹ نوشی کرنے والوں کو اگر مندرجہ ذیل 22 علامات کا سامنا ہو تو فوری طور پر ڈاکٹر سے رجوع کرنا چاہیے کیونکہ یہ علامات ان کے موت کے منہ میں دھکیل سکتی ہیں۔

سگریٹ نوشی کے منفی اثرات کی 22 علامات

دائمی کھانسی

کھانسی کے ساتھ خون آنا

سانس لینے میں مستقل مشکل درپیش آنا

بار بار سینے کی انفیکشنز لاحق ہونا

تھکاوٹ

بھوک ختم ہو جانا یا وزن کم ہونا

غشی محسوس کرنے لگنا

ٹانگوں اور بازوﺅں کا سُن ہونا یا کمزور ہونا

جلد کی رنگت تبدیل ہونا

عضو مخصوصہ کی ایستادگی متاثر ہونا

ہاتھوں، پیروں اور دیگر اعضاءمیں سوجن آنا

چہرے کا پژمردہ ہوجانا

دونوں ہاتھوں کو سامنے کی طرف ہوا میں اٹھا کر وہیں ٹکائے رکھنے میں دشواری پیش آنا

بولنے میں دشواری ہونا، زبان سے الفاظ ٹوٹ پھوٹ کر ادا ہونا

سینے میں درد رہنا یا دباﺅ، بھاری پن، سختی یا سکڑاﺅ کا احساس ہونا

سینے میں اچانک تکلیف ہونا

ذہنی دھندلاہٹ کا شکار ہونا

بہت زیادہ پسینہ آنا

سانس اکھڑنے لگنا

بیمار پڑنا یا خود کو بیمار محسوس کرنے لگنا

شدید ذہنی پریشانی اور تناﺅرہنے لگنا

برطانوی اخبار سے بات کرتے ہوئے ڈاکٹر فیلپا کائے نامی ایک ماہر کا کہنا تھا کہ ان میں سے کوئی بھی علامت اگر زیادہ دیر تک کسی سگریٹ نوش شخص میں موجود ہوں تو انتہائی خطرناک ہو سکتی ہے۔

انہوں نے کہا کہ ایسے شخص کو فوری طور پر ڈاکٹر کے پاس جانا چاہیے اور سگریٹ نوشی کی عادت کو ترک کر دینا چاہیئے۔