پاکستان کے نمبر ون نیوز چینل “بول” پہلی بار مارننگ شو کا آغاز کرنے جارہا ہے، بول نیٹ ورک پر نشر ہونے والا اب تک کا سب سے منفرد مارننگ شو “دنیا بول ہے” ناظرین میں کھلبلی مچانے کو تیار ہے۔

صرف سوشل میڈیا پر ہی جاری ہونے والے اس شو کے ٹیزر نے عوام میں مقبولیت کے تمام ریکارڈ توڑ دیے ہیں، اور اب یہ شو باقاعدہ آپ کی ٹی وی اسکریز کی زینت بننے کو تیار ہے۔

آپ کی صبح کو تازہ دم بنانے کے لیے “دنیا بول ہے“ ہر پیر سے جمعہ صبح 9:00 بجے نشر کیا جائے گا۔

شو کا ٹیزر جاری ہوتے ہی “بول نیوز“ کے چاہنے والوں میں تجسس بڑھ گیا ہے کہ اس مارننگ شو میں کیا کچھ ہوگا، کون کون سے سیگمنٹس رکھیں جائیں گے۔

“دنیا بول ہے“ میں عوام کی دلچسپی کو مدنظر رکھتے ہوئے نئے سیگمنٹس بھی شامل کیے گئے ہیں اور خاص طور پر پاکستان سمیت دنیا بھر کی معلومات کے علاوہ ناظرین کی صحت کا خیال رکھتے ہوئے مختلف ایکسرسائزز بھی کرائی جائیں گی، جب کہ پروگرام میں مزیدار اور لذیذ کھانوں کی تراکیب بھی بتائی جائیں گی۔

یہ بھی پڑھئیے: ’دنیا بول ہے‘ پاکستان کا نمبر ون مارننگ شو کیوں ہے ؟ وجہ جانیے!

پاکستان کے نامور میزبان طلحہ جتوئی اور شیف وردہ شعیب کی میزبانی میں شروع ہونے والے مارننگ شو “دنیا بول ہے“ کا ٹیزر بول نیٹ ورک کے آفیشل یوٹیوب چینل پر ریلیز کیا گیا جس نے مقبولیت کے تمام ریکارڈ توڑ دیے۔

سوشل میڈیا پر صارفین کی جانب سے بول نیوز کا مارننگ شو “دنیا بول ہے“ کو نمبر ون مارننگ شو قرار دیا جارہا ہے۔

صارفین کا کہنا ہے کہ “دنیا بول ہے” بول کے دیگر ہٹ پروگرامز کی طرح ہی نمبر ون مارننگ شو ہوگا۔

ایسا پہلی بار نہیں ہوا جب بول نیوز کی جانب سے اپنے ناظرین کے لیے کچھ منفرد کیا جارہا ہو بلکہ بول انتظامیہ کی جانب سے اس طرح کے دلچسپ پروگرامز لانے کی پرانی روایت ہے جسے ایک بار پھر برقرار رکھا گیا ہے۔