گانوں کی معروف ایپلی کیشن اسپاٹی فائے کی جانب سے رواں ماہ کی بہترین گلوکارہ قرار دئیے جانے کے بعد دو مرتبہ گریمی ایوارڈ کے لیے نامزد پاکستانی نژاد امریکی گلوکارہ عروج آفتاب کی تصویر کو نیویارک ٹائمز اسکوائر کے بل بورڈ کی زینت بنا دیا گیا۔

اسپاٹی فائے نے باصلاحیت پاکستانی فنکاروں کو ایک پلیٹ فارم مہیا کرنے کے لیے یہ اقدام اٹھایا ہے تاکہ وہ اپنی فنکارانہ صلاحیتوں کو مزید نکھار سکیں اور اپنی کامیابیوں کا جشن منا سکیں۔

عروج آفتاب کو مارچ میں اسٹریمنگ پلیٹ فارم کی بہترین آرٹسٹ کے طور پر منتخب کیا گیا تھا۔ ان کی نامزدگی کا اعلان خواتین کے عالمی دن (8 مارچ) پر کیا گیا۔

اس کے کچھ دن بعد گلوکارہ عروج آفتاب نیویارک شہر کے ٹائمز اسکوائر کے بل بورڈ کا چہرہ بن گئیں۔

ان کی اس کامیابی پر گلوکارہ اور ان کے مداح کی جانب سے خوشی کا اظہار کیا جارہا ہے۔

عروج کے والدین کا تعلق پاکستان کے شہر لاہور سے ہے، تاہم گلوکارہ کی پیدائش سعودی عرب میں ہوئی تھی۔

انہوں نے اپنی زندگی کے ابتدائی ایّام سعودی عرب اور پاکستان میں گزارے تھے۔

پاکستانی نژاد عروج آفتاب تقریباً پندرہ برس قبل امریکا شفٹ ہو گئی تھیں۔

وہاں نے انہوں نے فیلو شپ پر موسیقی کی تعلیم حاصل کی، انہوں نے اپنا پہلا البم گذشتہ برس ریلیز کیا تھا۔

عروج آفتاب کے پہلے البم کا نام “ولچر پرنسز” تھا، جو انہوں نے اپنی امریکی ساتھیوں کے مدد سے ریلیز کیا تھا۔

عروج گذشتہ دنوں “کوک اسٹوڈیو” کے ایک پروگرام میں شرکت کرچکی ہیں، جہاں انہوں نے اپنا معروف گانا “محرم” گایا تھا۔

اب اسپاٹی فائی نے “اکوائل پاکستان” مہم کے لیے گلوکارہ عروج آفتاب کو اپنا برینڈ ایمبیسیڈر نامزد کیا ہے اور ان کی تصویر ٹائمز اسکوائر کے بل بورڈ پر آویزاں کی ہے۔