گلوکارہ عروج آفتاب کی تصویر نیویارک کے ’ٹائمز اسکوائر‘ پر آویزاں کر دی گئی۔
رپورٹ کے مطابق دو مرتبہ گریمی ایوارڈز کے لیے نامزد ہونے والی پاکستانی نژاد امریکی گلوکارہ عروج آفتاب ایسی پہلی پاکستانی فنکارہ بن گئی ہیں جن کی تصویر نیویارک میں’ٹائمز اسکوائر‘ پر آویزاں کی گئی ہے۔
گلوکارہ عروج آفتاب کی تصویر کو ٹائمز اسکوائر بل بورڈ پر آڈیو اسٹریمنگ سروس اسپاٹی فائی کی’ایکوئل پاکستان‘ کے لیے ایمبیسیڈر کے طور پرآویزاں کیا گیا ہے۔
یاد رہے کہ ایکوئل پاکستان کی ایمبیسیڈر عروج آفتاب، اپنی گلوکاری کی مہارت سے عالمی سطح پر پاکستان کی خواتین کرئیٹرز کی نمائندگی کر رہی ہیں۔
رپورٹ کے مطابق دنیا کی سب سے مشہور اسٹریمنگ سروس اسپاٹی فائی کی اس مہم کا مقصد خواتین کرئیٹرز کو دنیا کے ساتھ اپنا کام شیئر کرنے کے لیے ایک پلیٹ فارم دے کر ان کی حوصلہ افزائی کرنا ہے۔
AdvertisementAdvertisementView this post on InstagramAdvertisementAdvertisementAdvertisementAdvertisement
گلوکارہ عروج اس عالمی مہم کاحصّہ ہیں اور اسی لیے نیویارک میں ڈیجیٹل بل بورڈ پرلگے اشتہار میں بطور ’ایکوئل آرٹسٹ آف دی منتھ‘گلوکارہ کی تصویر کو آویزاں کیا گیا ہے۔
عروج کا کہنا ہے کہ ثقافتی سطح پر ایک پاکستانی کا وجود موسیقی، شاعری، فن اور رقص کے بغیر تقریباََ ناممکن ہے۔
AdvertisementAdvertisementView this post on InstagramAdvertisementAdvertisementAdvertisementAdvertisement
واضح رہے کہ عروف آفتاب کے کام کو دنیا بھر میں بےحد سراہا جاتا ہے اور وہ پہلی پاکستانی خاتون ہیں جنہیں گریمی ایوارڈز کے لیے بہترین نیو آرٹسٹ اور بہترین گلوبل پرفارمنس کی کیٹیگریز میں نامزد کیا گیا۔
AdvertisementAdvertisementView this post on InstagramAdvertisementAdvertisementAdvertisementAdvertisement
دنیا بھر میں اپنے منفرد انداز کی وجہ سے شہرت حاصل کرنے والی گلوکارہ عروج آفتاب اس سال امریکی میوزیکل فیسٹیول ’کوچیلا‘ میں ہیری اسٹائلز، لِل بیبی، بلی ایلش، میگن تھی اسٹالین، ڈسکلوزر، 21 سیویج، اسٹرومی اور بہت سے دیگر نامور فنکاروں کے ساتھ پرفارم کرنے والی پہلی پاکستانی فنکارہ ہیں۔
یاد رہے کہ عروج آفتاب 2021 کے موسم گرما کے دوران سابق امریکی صدر، براک اوباما کی پسندیدہ موسیقی کی پلے لسٹ میں بھی شامل تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
