کراچی پولیس کی جانب سے منشیات فروشوں کے خلاف کارروائی کی گئی ہے۔

تفصیلات کے مطابق تھانہ گلستان جوہر پولیس نے کارروائی کرتے ہوئے  منشیات فروش ڈیلر کو گرفتار کر کے منشیات اور غیرقانونی اسلحہ برآمد کرلیا ہے۔

ترجمان  ایس ایس پی ضلع ایسٹ کراچی نے کہا کہ ملزم کراچی شہر کے مختلف مقامات کالجوں یونیورسٹیوں اور دیگر پبلک مقامات اور تھانہ ہذا کی حدود میں چرس سپلائی کرتا ہے۔

ایس ایس پی ضلع ایسٹ نے بتایا کہ گرفتار ملزم کی شناخت محمد حسنین خان ولد محمد سلطان خان کے نام سے ہوئی ہے جبکہ دروان گرفتاری ملزم سے ایک کلو 420 گرام  اعلی کوالٹی کی چرس برآمد ہوئی ہے۔

ایس ایس پی ضلع ایسٹ نے کہا کہ دروان تلاش ملزم کے پاس سے ایک 30 بور پستول ،لوڈ 5روانڈ میگزین ، زندہ برنگ سیاہ بلا نمبری بھی برآمد ہوا ہے۔

ایس ایس پی ضلع ایسٹ نے بتایا کہ ملزم  کے سابقہ کریمنل ریکارڈ کی تفصیلات اور اسکے دیگر ساتھیوں کے متعلق تفصیل و معلومات لی جارہی ہیں۔

پولیس نے مزید بتایا کہ  ملزم کو بعد ضابطہ کارروائی کے لیے تھانہ ہذا کے  شعبہ تفتیش حکام کے حوالے کیا جارہا ہے  ۔