ملزمہ ماں نے جوڈیشل مجسٹریٹ سینٹرل میں پیش ہو کرعدالت کے سامنے اپنے جرم کا اعتراف کرلیا۔ 

تفصیلات کے مطابق جوڈیشل مجسٹریٹ سینٹرل کراچی میں بائیس دن کی بچی کو قتل کرنے والی ملزمہ ماں عمیمہ کو عدالت میں پہنچایا گیا۔

پولیس نے ملزمہ کا اقبالی بیان ریکارڈ کرانے کی درخواست عدالت میں جمع کراتے ہوئے درخواست میں ملزمہ کے جسمانی ریمانڈ کی بھی استدعا کی۔

تفتیشی افسر نے کہا کہ ملزمہ نے پولیس کو اپنا بیان ریکارڈ کرایا ہے کہ ملزمہ نے پولیس کے سامنے جرم کا اعتراف کیا ہے۔ ملزمہ نے اپنے بیان میں کہا کہ 29 مئی 2021 کو سعد نامی شخص سے اس کی شادی ہوئی تھی۔

ملزمہ کی جانب سے پولیس دیے گئے بیان میں کہا گیا کہ شادی کے بعد اکثر اپنے شوہر سعد سے جھگڑا رہتا تھا۔ مجھے گھر میں قید کرکے رکھ دیا تھا مجھے میکے آنے جانے کی اجازت نہیں تھی۔

تفتیشی افسر نےعدالت کو بتایا کہ ملزمہ نے بیان دیا کہ دس مارچ کو میری بچی رو رہی تھی جس کو چپ کرانے کی کوشش کی مگر نہیں ہوئی۔ ٹیبل کی دراز سے چھری نکال کر بچی کی گردن پر پھیردی جس سے اس کی موت واقع ہوئی۔

پولیس کا کہنا تھا کہ ملزمہ ماں نے بیان میں کہا کہ میں اپنے جرم کا اعتراف کرتی ہوں۔

ملزم ماں نے جوڈیشل مجسٹریٹ سینٹرل میں پیش ہو کرعدالت کے سامنے اپنے جرم کا اعتراف کرلیا

عدالت نے ملزمہ کو عدالتی ریمانڈ پر جیل بھیجنے کا حکم دے دیا۔

کیس کے تفتیشی افسر کو آئندہ سماعت پر کیس کا چالان پیش کرنے کا بھی حکم دے دیا

سرکاری وکیل محمد علی خان نے کہا کہ ملزمہ نے اپنی شادی سے بھی ناخوش تھی۔