وزیر اعلیٰ بلوچستان میر عبدالقدوس بزنجو نے کہا ہے کہ انویسٹر آئیں گے تو بلوچستان ترقی کرے گا۔

 کوئٹہ میں حلف برداری تقریب سے خطاب کرتے ہوئے وزیر اعلیٰ بلوچستان میر عبدالقدوس بزنجو نے کہا کہ سیکریٹریٹ اور اس کے تمام ملازمین صوبے کا اہم حصہ ہیں۔

 میر عبدالقدوس بزنجو نے کہا کہ صوبے کے عوام کی نظریں ہماوقت سول سیکرٹریٹ کی طرف لگی رہتی ہیں،  تمام محکمے ترقی کریں اور اپنے فیصلے خود کریں۔

انہوں نے کہا کہ میں نے آتے ہی کہا تھا کہ میں ضرورت سے زیادہ اجلاس نہیں کرونگا کیونکہ میرا وقت عوام کو ریلیف دینے کا ہے نہ کہ محکموں کو انگیج کر کہ ٹائم برباد کرنے کا۔

  وزیر اعلیٰ بلوچستان نے کہا کہ میں مذاکرات اور ڈائیلاگ پر یقین رکھنے والا آدمی ہوں، ہمارا پڑھا لکھا طبقہ جب احتجاج کا راستہ کریں گے تو عام آدمی سے کیا توقع کی جائے۔

انہوں نے کہا کہ  افہام وتفہیم سے جب ہر مسئلے کا حل موجود ہے تو دھرنے مظاہروں سے عوام کو تکلیف میں مبتلا کرنا غلط ہے،   ہمیں صوبے کو اپنا حلقہ سمجھنا چاہئے نہ کہ ضلعوں اور حلقوں کی تقسیم میں پڑیں۔

 وزیراعلی بلوچستان میر عبدالقدوس بزنجو کا کہنا تھا کہ میں نو منتخب سول سیکرٹریٹ کے نمائندوں کو مبارکباد پیش کرتا ہوں، جب آپ لوگ کوئی مطالبہ کرتے ہیں تو باقی طبقات کو بھی مدنظر رکھیں۔

انہوں نے کہا کہ اگر ہم اپنے سائل وسائل کی حفاظت نہیں کر سکتے تو ہمیں فرزند بلوچستان کہلانے کا حق نہیں۔

انہوں نے مزید کہا کہ  انویسٹر ائیں گے تو بلوچستان ترقی کرے گا، بلوچستان کے فیصلوں کو سب کی رائے سے کرنا چاہیے نا کہ بند کمروں کی نظر کئے جائیں۔