راولپنڈی کرکٹ اسٹیڈیم میں آسٹریلوی کھلاڑیوں کے رقص کی وڈیوز سوشل میڈیا پر وائرل ہوگئی۔

آسٹریلیا کے اوپننگ بیٹر ڈیوڈ وارنر اور اسٹیو اسمتھ کا یہ رقص سوشل میڈیا پر وائرل ہو گیا ہے۔

پاکستان بمقابلہ آسٹریلیا کے مابین جاری سیریز کے پہلے ٹیسٹ کے دوسرے دن مہمان ٹیم کی فیلڈنگ کے دوران شائقین کرکٹ آسٹریلوی کھلاڑیوں کے نام کے نعرے لگاتے رہے۔

شائقین آسٹریلوی فیلڈنگ کے دوران مسلسل باجے بجا رہے تھے، ڈیوڈ وارنر اس وقت باؤنڈری لائن پر فیلڈنگ کر رہے تھے، ڈیوڈ وارنر نے باجوں کو جواب دیتے ہوئے مختصر سا رقص کیا۔

ڈیوڈ وارنر نے شائقین کرکٹ کی طرف دیکھ کر ہاتھ بھی ہلایا، ڈیوڈ وارنر کی جانب سے جواب ملنے پر شائقین کرکٹ نے تالیاں بجا کر ڈیوڈ وارنر کا شکریہ ادا کیا۔

https://twitter.com/MahamOfficial_2/status/1500065847662026753

آسٹریلیا کے اسٹیو اسمتھ بھی پاکستان میوزک پر جھومے بنا رہ سکے، وہ سلپ میں کھڑے تھے جب پاکستانی نغمہ اسٹیڈیم میں بجنے لگا جس پر اسٹیو اسمتھ نے اپنے ہاتھوں اور سر کا استعمال کرتے ہوئے رقص کیا۔

بھائی ہم تو آسٹریلیا میں ڈھائی دن فیلڈنگ کرتے ہیں یہ ایک دن میں پاگل ہوگئے pic.twitter.com/9lAogP2Hy5

— ٰImran Siddique (@imransiddique89) March 5, 2022

خیال رہے کہ پاکستان اور آسٹریلیا کے درمیان پہلا ٹیسٹ پنڈی میں جاری ہے۔ راولپنڈی ٹیسٹ کے دوسرے روز پاکستان نے آسٹریلیا کیخلاف 4 وکٹوں پر 476 رنز بناکر اپنی پہلی اننگز ڈکلیئر کردی۔

آسٹریلیا کی پہلی اننگز میں بیٹنگ جاری تھی اور اس نے بغیر کسی نقصان کے 5 رنز بنالیے تھے کہ خراب روشنی کی وجہ سے کھیل ختم کردیا گیا۔