کراچی کے علاقے سکندر گوٹھ میں پاکستان رینجرز (سندھ) اور پولیس کی جانب سے مشترکہ کارروائی کی گئی ہے۔
پاکستان رینجرز (سندھ) اورپولیس نے انٹیلی جنس معلومات کی بنیاد پر مشترکہ کارروائی کرتے ہوئے گٹکا اور چھالیہ بنانے والی فیکٹری پر چھاپہ مارا۔
ترجمان سندھ رینجرز کے مطابق چھاپہ مارنے والی جگہ سے 125 کلوگرام چھالیہ، 3 عدد پیکنگ مشینیں، 2 عدد مکسچر مشینیں،1عدد وزن کرنے والی مشین اور 1عدد سیلنگ مشین برآمد کرلی جو کہ ایک پرائیویٹ اسکول کی بلڈنگ میں بنائی گئی تھی۔
ترجمان نے بتایا کہ اسکول کی بلڈنگ کو مشینوں اور ممنوعہ اشیاء سے کلیئر کر دیا گیا ہے۔
ترجمان کا کہنا ہے کہ برآمد شدہ مشینوں اور ممنوعہ اشیاء کو مزید قانونی کارروائی کے لیے پولیس کے حوالے کر دیا گیا ہے۔
Advertisement
ترجمان سندھ رینجرز کا کہنا ہے کہ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
