اکثر اداکار اپنے سوشل میڈیا اکاؤنٹ پر اپنی بچپن کی یادگار تصاویر شئیر کرتے رہتے ہیں، حال ہی میں سارہ علی خان نے بھی اپنے بچپن کی ایک تصویر شئیر کی ہے۔

بالی ووڈ اداکار سیف علی خان اور امریتا سنگھ کی بیٹی سارہ علی خان نے اپنے آفیشل انسٹاگرام اکاؤنٹ پر والدہ کے ہمراہ بچپن کی ایک یادگار تصویر شیئر کی ہے۔

سارہ علی خان کی جانب سے شیئر کی جانے والی اپنے بچپن کی تصویر میں دیکھا جا سکتا ہے کہ واقعی وہ اپنی والدہ امریتا سنگھ سے مشابہت رکھتی ہیں۔

سارہ خان نے بہت طویل عرصے کے بعد سوشل میڈیا پر کچھ نیا کرنے کا سوچا اور اسی مناسبت سے انہوں نے مداحوں سے سوال و جواب کا سیشن رکھا۔

انسٹاگرام پر ان کے چاہنے والوں میں سے ایک نے سارہ سے کہا کہ وہ اپنی والدہ کے ساتھ اپنی سب سے پسندیدہ تصویر شیئر کریں۔

بالی ووڈ اداکارہ نے مداح کی خواہش پوری کرتے ہوئے والدہ کے ہمراہ بچپن کی ایک دلکش تصویر شیئر کردی۔

تصویر کے سامنے آنے کے بعد سارہ اور اُن کے بھائی ابراہیم کی والدین سے غیر معمولی مماثلت سوشل میڈیا پر اب تک موضوعِ بحث بنی ہوئی ہے، جبکہ اداکارہ کی یہ تصویر سوشل میڈیا پر تیزی سے وائرل ہو رہی ہے۔

یاد رہے کہ اس سے قبل بھی سارہ علی خان کی بچپن کی کئی تصاویر سوشل میڈیا کی زینت بن چکی ہیں۔