تصاویراور ویڈیو شیئرنگ ایپ انسٹا گرام کی جانب سے اپنی حریف ایپلی کیشن ٹک ٹاک سے مقابلے کے لیے اپنے ریلز فیچرز میں اہم تبدیلیوں کے سلسلے کو برقرار رکھا ہوا ہے۔

انسٹا گرام نے تخلیق کاروں کے لیے ریلز میں پہلے سے بہترٹیگس شامل کرنے کا فیچر بھی شامل کردیا ہے۔ اس فیچر کی مدد سے صارفین با آسانی ویڈیوزمیں خود کو کریڈٹ دے سکتے ہیں۔

’ انہاسڈ ٹیگس‘ کے نام سے پیش کیے گئے اس فیچرکو رواں سال مارچ میں انسٹا گرام فیڈ میں متعارف کرایا گیا تھا۔ تاہم اس کی وسعت میں اضافہ کرتے ہوئے سوشل میڈیا پلیٹ فارم نے اس فیچرکو ریلزمیں بھی لانچ کردیا ہے۔

 یہ بھی پڑ ھیں: انسٹا گرام سے سالوں کی دوری کے باوجود سلینا گومز کے کروڑوں فالوورز

اس سے قبل استعمال کنندگان ایک دوسرے کوکریڈٹ دینے کے لیے متبادل طریقے استعمال کرتے تھے۔ مثال کے طور پرایک صارف دوسرے صارف کی تصاویریا کیپشن پرایک دوسرے کو ٹیگ کردیتے تھے۔

تاہم اب کمپنی کی نئی پالیسی اور اس فیچر کی بدولت وہ ریلز میں خود کوبراہ راست ٹیگ کرکے کریڈٹ دے سکتے ہیں۔

دودن قبل بھی انسٹا گرام نے ریلزمیں ایک اہم فیچر کا اضافہ کیا تھا جس کی بدولت تخلیق کاراس پلیٹ فارم پرموجود دیگرویڈیوزسے فارمیٹس مستعارلے کرریلزبنا سکیں گے۔

’ ٹیمپلیٹس‘ کے نام سے متعارف کرائے گئے اس فیچر کی بدولت تخلیق کار ایپلی کیشن پرموجود دیگرویڈیوزسے ٹیمپلیٹس مستعارلے کربھی ریلزبنا سکتے ہیں۔

انسٹا گرام کی جانب سے پیش کیا گیا ’ ٹیمپلیٹ‘ ٹک ٹاک کے اپنے ٹیمپلیٹ ٹول سے مماثل دکھائی دیتا ہے، جس میں تخلیق کاراپنے کانٹینٹ (مواد) کوپہلے سے تیارکردہ سیکوینس میں شامل کردیتے ہیں۔

انسٹا گرام کا اپنے نئے فیچر کے بارے مین کہنا ہے کہ اسے ریلز میں پیش کرنے کا مقصد زیادہ سے زیادہ تخلیق کاروں کوراغب کرنا ہے۔