
بھارتی ریاست مہاراشٹرا کے یاوتمال ضلع سے ایک خوفناک اور دل دہلا دینے والی خبر سامنے آئی ہے، جہاں ایک شخص نے چھپے ہوئے خزانے کو تلاش کرنے کی کوشش میں مبینہ طور پر اپنی بیٹی کو جنسی زیادتی کا نشانہ بنایا اور پھر اسے زندہ دفن کرنے کی کوشش کی۔
یہ افسوسناک واقعہ یاوتمال کے بابول گاؤں علاقے سے منظر عام پر آیا ہے۔
رپورٹ کے مطابق مذکورہ ملزم کی دو بیٹیاں ہیں، جن میں سے مبینہ طور پر بڑی بیٹی کے ساتھ اس نے یہ درندگی کی۔
خزانے کی تلاش کے لیے اس نے پہلے بیٹی کو جنسی زیادتی کا نشانہ بنایا اور پھر اسے دفن کرنے کی کوشش کی۔
رپورٹ کے مطابق ملزم نے گڑھا کھودا، پوجا کی اور پھر مٹھائی اور پھول چڑھائے۔ اس دوران بیٹی نے خود اس سرگرمی کی تمام تصاویر لیں اور اپنے دوست کو بھیج دیں۔
لڑکی کے دوست نے پھر وہ تصاویر پولیس کے ساتھ شیئر کیں۔
پولیس نے بروقت کارروائی کرتے ہوئے موقع پر پہنچی اور اس قابل مذمت حرکت کو انجام تک پہنچنے سے روکا۔
متاثرہ لڑکی کو پولیس نے بازیاب کر کے اپنی تحویل میں لے لیا ہے، جبکہ اب تک لڑکی کے والد سمیت 8 افراد کو گرفتار کیا جا چکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News