امریکی ریاست فلوریڈا کے ایک چڑیا گھر میں پیدا ہونے والے ایک کالے ہاتھ والے بندر (اسپائیڈر منکی) کی پیدائش نے سب کو حیران کردیا ہے جس کی ناک پر “بیٹ مین” کا نشان تھا۔

میلبورن، فلوریڈا کے بریورڈ چڑیا گھر نے سوشل میڈیا پر بندر کے بچے کی اپنی ماں سے چمٹے ہوئے ایک کلپ شیئر کیا۔

See momma Shelley and the baby in action! pic.twitter.com/MEcKnafvFe

— Brevard Zoo (@BrevardZoo) April 19, 2022

چڑیا گھر کے انسٹاگرام اکاؤنٹ پر شیئر کی گئی تصویر کے کیپشن میں لکھا گیا،” بیٹ مین تھیم سانگ چلائیں، ہمارے تازہ ترین اسپائیڈر منکی کے چہرے پر ایک بہت ہی منفرد نشان ہے۔ ہمیں ابھی تک سپر پاور کی کوئی علامت نہیں ملی ہے، لیکن آپ کو اطلاع دیتے رہیں گے! “

بندر کے بچے کی ناک پر نظر آنے والی “بیٹ مین” کی علامت نے نیٹیزنز کو بھی حیران کر دیا ہے۔

ایک انسٹاگرام صارف نے تبصرہ کیا، “یقیناً چالاکی ایک سپر پاور ہے؟”

ایک بلاگ پوسٹ میں، چڑیا گھر نے یہ بھی کہا کہ کئیرٹیکرز “بیٹ مین کی علامت” کو دیکھ کر حیران رہ گئے۔

بندر کا مذکورہ بچہ 15 اپریل کو 31 سالہ مادہ روچیل، جسے شیلی بھی کہا جاتا ہے، اور 25 سالہ نر شوٹر کے ہاں پیدا ہوا تھا۔ بچے کی جنس معلوم نہیں ہے، اور جانوروں کی دیکھ بھال کرنے والے عملے نے اطلاع دی ہے کہ بچہ صحت مند اور ٹھیک ٹھاک ہے۔

چڑیا گھر کی ڈائریکٹر آف اینیمل پروگرامز لارین ہینسن کا کہنا ہے کہ “شیلی اپنی اولاد کی دیکھ بھال کرنے میں ماہر ہے۔”

سیاہ ہاتھ والے بندروں کی قسم (اسپائیڈر منکی) وسطی اور جنوبی امریکہ میں پائے جاتے ہیں۔ قدرتی رہائش گاہ کے نقصان اور پالتو جانوروں کی غیر قانونی تجارت کی وجہ سے ان کی نسل کو کمزور کے طور پر درجہ بند کیا گیا ہے۔

ورلڈ وائلڈ لائف فنڈ کے مطابق، یہ جنوبی امریکہ کی سب سے بڑی پرائمیٹ اقسام میں سے ایک ہیں۔ جو اونچائی میں 24 انچ، وزن میں 19 پاؤنڈ تک بڑھتے ہیں اور انہیں مرطوب بارانی جنگلات والے ماحولیاتی نظام کا ایک لازمی حصہ سمجھا جاتا ہے۔