ملک میں موجودہ سایسی صورتحال کی  پیش نظر وزیراعظم کی جانب سے آج اہم اجلاس طلب کرلیئے گئے ہیں۔

وزیراعظم عمران خان نے آج وفاقی کابینہ کا اجلاس طلب کرلیا ہے جو کہ آج دوپہر کے وقت ہوگا۔

اس حوالے سے ذرائع کا کہنا ہے کہ اجلاس میں موجودہ سیاسی صورتحال پر غور کیا جائے گا اور ساتھ ہی دھمکی آمیز خط کو پبلک کرنے کے لیے کابینہ سے منظوری بھی دی جائیگی۔

وزیراعظم کی زیر صدارت آج سیاسی کمیٹی کا بھی اجلاس طلب کیا گیا ہے جس میں آئندہ انتخابات سے متعلق پارٹی رہنماؤں اور سابق ایم این ایز سے مشاورت کی جائیگی۔

علاوہ ازیں وزیر اعظم عمران خان کی زیر صدارت  پارلیمانی کمیٹی کا اجلاس آج ہوگا جس میں سیاسی صورتحال پر تبادلہ خیال ہوگا۔

اس سے قبل وزیراعظم عمران خان نے آفیشل سیکرٹ ایکٹ پر بریفنگ طلب کرلی ہے۔

اس دوران سیکرٹری قانون کابینہ اجلاس سے قبل وزیراعظم کو بریفنگ دیں گے اور خط کے معاملے پر گفتگو کریں گے۔

دوسری جانب وزیراعظم عمران خان آج قوم سے اہم خطاب بھی کریں گے جس کے متعلق گزشتہ روز انہوں نے اپنے پیغام میں بھی واضح کیا تھا۔