بالی ووڈ کی نامورجوڑی ملائکہ اروڑا اور ارجن کپور سے متعلق کہا جا رہا ہے کہ وہ رواں سال شادی کرنے کا ارادہ رکھتے ہیں۔

بھارتی میڈیا رپورٹس کے مطابق  ملائکہ اروڑا اور ارجن کپور رواں سال موسم سرما یعنی نومبر یا دسمبر میں شادی کرنے کا منصوبہ بنا رہے ہیں، شادی مبینہ طور پر ممبئی میں ہوگی جس میں صرف ان کے اہل خانہ اور قریبی دوستوں کی شرکت ہوگی۔

حال ہی میں ملائکہ اروڑا نے اپنے ایک انٹرویو میں ارجن کپور کے ساتھ جلد شادی کرنے کا اشارہ دیا ہے۔

ملائکہ نے کہا کہ ارجن کے ساتھ ان کا رشتہ ان کے لیے کافی مقدس ہے اور وہ ایک دوسرے کے لیے اس حد تک سنجیدہ ہیں کہ وہ مسلسل اپنے تعلقات کو پروان چڑھانے کے طریقے سوچتے رہتے ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Malaika Arora (@malaikaaroraofficial)

انہوں نے کہا کہ یہ رشتہ  میرے لیے مقدس اور اہم ہے، مجھے لگتا ہے کہ ہم ایک ایسی جگہ پر ہیں جہاں ہم سوچ رہے ہیں کہ ہمیں آگے کیا کرنا ہے۔

ملائکہ نے کہا کہ میں اور ارجن چیزوں پر بہت بحث کرتے ہیں، ہمارے خیالات ایک جیسے ہیں، ہم ایک ساتھ وقت گزارنا پسند کرتے ہیں اور یقینی طور پر اپنا مستقبل بھی ایک ساتھ دیکھتے ہیں۔

واضح رہے کہ اداکارہ و ماڈل ملائکہ اروڑا نے سال 1998 میں اداکار و فلم ساز ارباز خان سے شادی کی تھی اور اس جوڑے کے ہاں 2002 میں بیٹے ارہان خان کی پیدائش ہوئی تھی۔

بعد ازاں 19 سال شادی رہنے کے بعد ان کی طلاق 2017 میں ہوئی۔