نشہ کسی بھی صورت میں ہو صحت کے لئے نقصان کا باعث بنتا ہے یہ جاننے کے باوجود نشہ ہر معاشرے میں تیزی سے بڑھ رہا ہے خصوصی طور بچے اور نوجوان افراد اس لت کا زیادہ شکار ہے بد قسمتی سے اس کے بارے جتنی آگاہی بڑھ رہی ہے اسی تناسب سے اس کے استعمال میں اضافہ دیکھا جارہا ہے۔
نشہ کی وجہ کوئی بھی ہو لیکن اس کے مضر اثرات سے بچانے کی راہ ضرور موجود ہوتی ہے۔ یہاں جس نشے کا ذکر کیا جارہا ہے وہ ہے سگریٹ نوشی، سگریٹ پینے والا شخص صرف ایک سگریٹ پینے کے نتیجےمیں 4000 سے زیادہ مضرصحت کیمیکل جسم میں داخل کرتا ہے جس میں نیکوٹین سب سے مہلک ثابت ہوتا ہے۔
اس کی وجہ یہ ہے کہ جب سگریٹ نوشی کی وجہ سے نیکوٹین جسم میں داخل ہوتا ہے تو دماغ اس کا عادی ہوجاتا ہے اور اس طرح اس کی طلب ہونے لگتی ہے اور یوں انسان نشہ کا عادی بن جاتا ہے۔ اس طرح یہ عادت وقت کے ساتھ مزید پختہ ہونے لگتی ہے اورجسم میں کئی دائمی بیماریوں کا خطرہ بھی بڑھ جاتاہے۔
اگر کوئی سگریٹ نوشی کی عادت کو ترک کرنا چاہتا ہے تو ماہرین اسے بتدریج کم کرنے کا مشورہ دیتے ہیں اور نیکوٹین ڈیٹوکسیفیکیشن کا عمل اس صورت میں مؤثرثابت ہوتا ہے اس طرح یہ طریقہ بنا کسی مشکل اور تکلیف کے اس عادت سے سے چھٹکارے میں مدد فراہم کرتا ہے۔
قدرت نے پھلوں کو جہاں غذائیت اور صحت سے بھرپور بنایا ہے وہیں ان میں مختلف نشہ سے نجات اور بیماریوں سے تحفظ کے لئے بھی ایسے خواص رکھے ہیں جن کو غذا میں شامل رکھنے سے آپ جسم کوکئی طرح کے مضر کیمیکل سے پاک کرسکتے ہیں۔
آج یہاں پر اسی طرح کی چند غذاؤں کا ذکر کیا جارہا ہے جو سگریٹ نوشی کے نتیجے میں جسم میں داخل ہونے والے نیکوٹین کے اخراج کو یقینی بناکر اس عادت سے نجات میں مدد فراہم کر سکتے ہیں۔
خالص نارنگی کا رس
جسم سے نیکوٹین صاف کرنے کے لئے نارنگی کا رس انتہائی مؤثراور کار آمد گھریلونسخہ ہے۔ خاص کر ایسے افراد جو سگریٹ نوشی سے تائب ہوکراسے فوری ترک کرنے کا ارادہ رکھتے ہیں۔ یہ نشے کو ترک کرنے کی صورت میں پیدا ہونے والی علامات کوکم کرنے کی صلاحیت رکھتاہے اس کی سب سے خاص بات یہ ہے کہ یہ نیکوٹین کو فوری جسم سے خارج نہیں کرتا بلکہ بتدریج اسے کم کرکے اس لت سے نجات دلادیتا ہے۔ نارنگی کا رس سگریٹ چھوڑنے والی ادویات کی نسبت زیادہ کار آمد ہے۔
بروکولی(شاخ گوبھی)
سپر فوڈ میں شامل اس سبزی کو غذا میں شامل رکھنے سے جسم میں نیکوٹین کی سطح کو آسانی سے کم کیا جاسکتا ہے یہ سبز پتوں والی سبزی وٹامن بی 5 اور سی بھرپور ہوتی ہوتی ہے جوتمباکونوشی کے نتیجے میں ضائع ہونے والے وٹامن سی کودوبارہ بحال کر دیتی ہے تحقیق کے مطابق وٹامن سی ایک اینٹی آکسیڈینٹ ہے جو جسم میں داخل ہونے والے فری رڈیکلزاور زہریلے کیمیکلز سے تحفظ فراہم کرتا ہے اس طرح آپ اندرونی طورپر صحت مند رہتے ہیں۔
گاجر کا رس
سگریٹ نوشی کے نتیجے میں جب نیکوٹین جسم میں داخل ہوتی ہے تو یہ سانس کے ذریعے دماغ اور خون کے نظام میں داخل ہوسکتی ہے اور تین دن تک جسم موجود رہ کرجلد کے ساتھ کئی اعضاء کے نقصان کا باعث بن سکتی ہے لیکن ان منفی اثرات سے تحفظ کے لئے گاجر کا رس موجود ہے اس میں موجود اہم غذائی اجزاء جیسے وٹامن اے، سی، کے اور بی جو جسم سے نیکوٹین کے اخراج میں مؤثر ثابت ہوتے ہیں۔
پانی
پانی ہی زندگی ہے یہ جسم کے تمام اعضاء کے افعال کی بہتر انجام دہی کو نہ صرف یقینی بناتا ہے بلکہ جسم سے تمام قسم کی نقصان دہ ادویات اور کیمیکلز کو خارج کرنے میں بھی اہم کردار ادا کرتا ہے نیکوٹین ان میں سے ایک ہے۔ روزانہ 8 گلاس پانی پینا جسم کو نیکوٹٰن سے پاک کرنے مدد فراہم کرے گا۔ اگر سادہ پانی پینا مشکل ہوتو اس میں لیموں کا رس یا دیگر پھلوں کو شامل کیا جاسکتا ہے کیونکہ اس طرح یہ جسم کے زہریلے مادوں کو باہر کرنے میں اور بھی مؤثر ثابت ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News