نائیجیریا، مسلح افراد نے فوجیوں پر فائرنگ کردی، 7 ہلاک

ویب ڈیسک

12th May, 2022. 01:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نائیجیریا، مسلح افراد نے فوجیوں پر فائرنگ کردی، 7 ہلاک

نائجیرین فوج پر گشت کے دوران مسلح افراد نے بھاری ہتھیاروں سے حملہ کردیا، جس کے نتیجے میں متعدد فوجی ہلاک جب کہ دو لاپتہ ہوگئے۔

غیر ملکی میڈیا کے مطابق خانہ جنگی کا شکار افریقی ملک نائجیریا کی فوج پر مسلح افراد نے ایک اور حملہ کیا جس کی زد میں آکر نائجیرین فوج کی 93 بٹالین کے 7 اہلکار زندگی کی بازی ہار گئے۔

واضح رہے، دہشت گردوں نے رات گئے نائجیریا کے ٹاٹی نامی گاؤں میں فوجی قافلے پر بھاری ہتھیاروں سے حملہ کیا تھا۔93 بٹالین پر حملے کے بعد سے بریگیڈئر جنرل اور ان کے معاون لاپتہ ہیں، جن کی تلاش کیلئے فوج نے سرچ آپریشن کا آغاز کردیا ہے۔

رپورٹ میں کہا گیا ہے کہ ابھی تک کسی بھی مسلح گروہ نے حملے کی ذمہ داری قبول نہیں کی ہے جب کہ آرمی کے ترجمان بھی حملے سے متعلق تبصرہ کرنے سے گریز کررہے ہیں۔

خیال رہے کہ گزشتہ ماہ نائجیریا کے علاقے ترابا میں داعش کے حملے میں تین افراد ہلاک اور 30 سے زائد زخمی ہوگئے تھے۔

گزشتہ دس برس سے نائجیریا میں مختلف مسلح گروہ سرگرم ہیں جو مختلف قوموں اور سیکیورٹی فورسز کو دہشت گردانہ کارروائیوں کا نشانہ بناتے رہتے ہیں۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News