قومی کرکٹ ٹیم کے کپتان بابر اعظم نے قومی ٹیم کے نوجوان اوپنر عبداللہ شفیق کی تعریف کرتے ہوئے انکشاف کیا ہے کہ ہم ان کا موازنہ کین ولیمسن اور راہول ڈریوڈ جیسے عظیم بلے بازوں سے کرتے ہیں۔

تفصیلات کے مطابق بابر اعظم نے اپنے بیان میں کہا کہ میں ذاتی طور پر عبداللہ  شفیق کی اسٹائلش بیٹنگ کو دیکھتا ہوں اور یقینی طور پر اس سے لطف اندوز ہوتا ہوں ، اس کا موقف اور جس طرح سے وہ گیند کو چھوڑتے ہیں وہ متاثر کن ہے۔

نومبر 2021 میں بنگلہ دیش کے خلاف ڈیبیو کرنے کے بعد سے عبداللہ  شفیق نے قومی ٹیم کے لیے بہت سی شاندار کارکردگیوں کا مظاہرہ کیا  اور  انہوں نے پی ایس ایل 7 میں لاہور قلندرز کے لیے بھی عمدہ کھیل پیش کر کے ٹائٹل جیتا۔

ٹیم کی ساخت اور شان مسعود کی ون ڈے سیٹ اپ میں جگہ کے بارے میں بات کرتے ہوئے کپتان نے کہا کہ ٹیم کے مفاد کو مدنظر رکھتے ہوئے اسکواڈ کو حتمی شکل دی جاتی ہے۔

بابر اعظم نے کہا کہ عبداللہ شفیق کی موجودگی میں اوپنر شان مسعود کی جگہ مشکوک ہو سکتی ہے، لیکن کسی فرد کو منتخب کرنے کا ہمارا بنیادی مقصد ٹیم کا مفاد ہے۔

ویسٹ انڈیز کے خلاف اگلے ماہ راولپنڈی میں ہونے والی تین میچوں کی ون ڈے ہوم سیریز پر تبصرہ کرتے ہوئے کپتان نے کہا کہ کیریبین ٹیم کسی بھی مخالف کو پریشان کرنے کی صلاحیت رکھتی ہے۔