انگلش پریمئیر لیگ میں لیور پول کے ٹاپ اسکورر محمد صلاح اور ڈیفینڈر ورجل وین ڈجک آج ساؤتھمپٹن کے خلاف میچ نہیں کھیلیں گے۔

لیور پول کے یہ دونوں کھلاڑی گزشتہ ہفتے کو چیلسی کے خلاف کپ فائنل میں زخمی ہو گئے تھے، محمد صلاح گروئن انجری کا شکار ہیں جبکہ ورجل گھٹنے کی انجری میں مبتلا ہیں۔

لیور پول کے مینجر کلوپ کو یقین ہے کہ دونوں کھلاڑی اینفیلڈ میں وولوز کے خلاف سیزن کے فائنل تک ٹھیک ہو جائیں گے۔

کلوپ پر امید ہیں کہ اسٹرائیکر محمد صلاح اور ورجل رواں ہفتے میں جلد ہی ٹیم میں شامل ہو سکتے ہیں، اور صلاح سے ہماری کافی امیدیں وابستہ ہیںل۔

واضح رہے کہ اسٹرائیکر صلاح پریمئیر لیگ کے اس وقت رواں سیزن میں 22 گول کے ساتھ ٹاپ اسکورر ہیں۔

لیور پول کے لئے ساؤتھمپٹن کے خلاف کامیابی بہت اہمیت کی حامل ہے، دو اہم کھلاڑیوں کی عدم موجودگی سے مینجر کلوپ کی پریشانی میں اضافہ ہو چکا ہے۔

کلوپ نے میچ کے حوالے سے کہا کہ انجریز گیم کا حصہ ہیں، ٹیم صلاح کے بغیر میدان میں اترے گی، اس کا ہمیں اندازہ ہے، ہم اپنے گیم پلان میں تبدیلی لائیں گے۔

واضح رہے کہ پریمئیر لیگ کے رواں سیزن میں لیور پول نے مانچسٹر سٹی کو چار پوائنٹس پیچھے دھکیل دیا ہے۔

لیور پول کے مینجر کلوپ نے کہا کہ میچ میں کھلاڑیوں کو اپنا بہترین کھیل پیش کرنا ہو گا، ہمیں لیگ میں اپنی پوزیشن کو مزید بہتر بنانا ہے۔