عتیقہ اوڈھو پاکستانی شوبز انڈسٹری کی صف اول کی اداکارہ ہیں جنہوں کئی مشہور ڈراموں اور فلموں میں لازوال کردار نبھائے۔ وہ گزشتہ تین دہائیوں سے شوبز انڈسٹری سے وابستہ ہیں۔

 عتیقہ اوڈھو نے اپنے کیریئر کا آغازبطورمیک اپ آرٹسٹ اور ہیئراسٹائلسٹ کے کیاجبکہ 1993 میں انور مقصود کے مشہور ڈرامہ سریل ستارہ اور مہروالنسا سے اداکاری کی میدان میں قدم رکھا اس کے بعد عتیقہ اوڈھوکا نام ہر ڈرامہ کی کامیابی کی ضمانت بن گیا جبکہ بات یہی ختم نہیں ہوتی بلکہ یہ ایک بہترین میزبان بھی ہیں۔

 عتیقہ اوڈھو کے مشہور ڈراموں میں عکس، تلاش، ذکر ہے کئی سال کا، ستارہ اور مہروالنسا، دشت، نجات، جنون، تم ہی تو ہو، آن، ہرجائی، دھول، ہم تم، ہمسفر، پیار کے صدقے اور پردیس شامل ہیں جبکہ مشہورفلموں میں جو ڈر گیا وہ مرگیا، ممی، مجھے چاند چاہئے، لاہور سے آگے، دوبارہ پھر سے اورنیلوفر قابل ذکر ہیں۔

عتیقہ اوڈھونے اداکاری کے ساتھ دیگر فلاحی کاموں میں بھی بھر حصہ لیا کئی فاؤنڈیشن کے ساتھ کام کیا۔

عتیقہ اوڈھواور نعمان اعجاز کی جوڑی اپنے وقت میں سب سے زیادہ پسند کی جانے والی ڈرامہ جوڑی تھی صرف یہی نہیں بلکہ یہ دونوں حقیقی زندگی میں بھی بہترین دوست ہیں۔

 حال ہی میں ان دونوں کو ایک پروگرام مدعوکیا گیا جہاں عتیقہ اوڈھوکو نعمان اعجازکی ایک ایسی خوبی بتانے کو کہا گہا جن سے ان کے مداح واقف نہیں تو عتیقہ اوڈھو نے کہا کہ نعمان اعجاز پراسرارشخصیت کے مالک ہیں اگر وہ آپ کو پسند کریں گے تو دل سے چاہیں گے اورنہیں کریں گے وقت ضائع نہیں کریں گے یہ اچھی بات ہے کہ منافقت نہیں کرتے اگر یہ آپ کو پسند نہیں کریں تو پرفیشنل انداز میں آپ کے ساتھ پیش آئیں گے۔ نعمان کے ساتھ اتنا کام نہیں ہے لیکن دوستی بہت ہے دونوں نے اچھے برے وقت ایک ساتھ دیکھے ہیں۔

یہ اگر آپ کے دوست بن جائیں تو یہ ہر جگہ آپ کے ساتھ کھڑے رہیں گے حالات کیسے بھی ہوں یہ اپنا کردار نبھائے گے۔ یہ ان کی سب سے بڑی خوبی ہے۔