پاکستان ٹیلی ویژن، ریڈیو اور فلم انڈسٹری کو ایک عرصے تک اپنی اداکاری سے جلا بخشنے والے سینئر اداکار اور صداکار آغا کشور سجاد طویل علالت کے بعد راولپنڈی کےمقامی اسپتال میں انتقال کرگئے۔

1933 میں جنم لینے والے آغا کشور سجاد نے متعدد پاکستانی فلموں اور ڈراموں میں اداکاری کےجوہر دکھائے۔

آغا کشور سجاد کو 2006 میں ریڈیو پاکستان کی جانب سے لائف ٹائم ایچومنٹ ایوارڈ اور 2010 میں نیشنل ڈیویلپمنٹ کونسل کی جانب سے بھی لائف ٹائم ایچیومنٹ ایوارڈ سے نوازا گیا۔

خاندانی ذرائع کے مطابق مرحوم کی نماز جنازہ کل کمیٹی چوک راولپنڈی میں ادا کی جائے گی۔

 یاد رہے کہ مئی 2020 میں ان کے گھر ڈکیتی کی واردات بھی ہوئی تھی جس میں ڈاکوؤں نے انہیں عمر بھر کی جمع پونجی سے محروم کردیا تھا۔