امید ہے حکومت فوری طور پر قومی ایئرلائن کی طرف توجہ دے گی، سلیم مانڈوی والا

ویب ڈیسک

30th Jun, 2022. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

امید ہے حکومت فوری طور پر قومی ایئرلائن کی طرف توجہ دے گی، سلیم مانڈوی والا
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

امید ہے حکومت فوری طور پر قومی ایئرلائن کی طرف توجہ دے گی، سلیم مانڈوی والا

سلیم مانڈوی والا نے کہا ہے کہ امید ہے حکومت فوری طور پر قومی ایئرلائن کی طرف توجہ دے گی۔

سینیٹر سلیم مانڈوی والا نے قومی ایئرلائن پی آئی اے سے متعلق اہم بیان دیتے ہوئے کہا ہے کہ قومی ایئرلائن پی آئی اے سے متعلق سامنے آنے والی خبریں پریشان کن ہیں۔

انہوں نے کہا کہ 12 بوئنگ 777 میں سے 3 طیارے گراؤنڈ کرنے کی خبریں آ رہی ہیں، ایک بوئنگ 777 کو اسکریپ کردیا گیا ہے، ایئر ایشیا سے لیز پر لئے گئے 2 اے 320 گزشتہ ایک سال سے جکارتا میں پارک ہیں۔

سلیم مانڈوی والا نے کہا کہ ان طیاروں کی ایک سال لیز اور مرمت کے اخراجات بھی پی آئی اے کو برداشت کرنے پڑیں گے، چائنہ سے لیا گیا ایک اے 320 طیارہ بھی گراونڈ کردیا گیا ہے، ایک اے 320 طیارہ خریدنے کے بعد اسکریپ کردیا گیا۔

سینیٹر سلیم مانڈوی والا نے کہا کہ حال میں لیز پر لئے گئے دو اے 320 ایف بی آر کی جانب سے کلیئرنس نہ ملنے کے باعث اسلام آباد ایئرپورٹ پر کھڑے ہیں، طیاروں سے متعلق سامنے آنے والی یہ اطلاعات درست ہیں تو یہ قومی ایئرلائن کے ساتھ بہت بڑا کھلواڑ ہے۔

انہوں نے کہا کہ امید ہے حکومت فوری طور پر قومی ایئرلائن کی طرف توجہ دے گی، پی آئی اے سے متعلق سامنے آنے والی ان تفصیلات کے اصل حقائق سامنے آنے چاہئیں۔