وزیراعظم شہباز شریف نے یقین دہانی کرائی ہے کہ پاکستان جلد ہی معاشی مشکلات سے نکل جائے گا۔

سماجی رابطے کی ویب سائٹ پر اپنے ایک پیغام میں وزیر اعظم نے پیٹرول کی قیمتوں میں اضافے اور ملک کی معاشی صورتحال کے حوالے سے بات کی ہے۔

I wonder whether those who struck the worst ever deal with IMF & took patently bad economic decisions have the conscience to face the truth. How can they pretend to be innocent when what the nation is going through is clearly their doing? Details soon https://www.bolnews.com/urdu/latest/2022/06/736541/amp/

— Shehbaz Sharif (@CMShehbaz) June 16, 2022

وزیراعظم نے اپنے پیغام میں کہا کہ حکومت کے پاس آئی ایم ایف کے معاہدے کی وجہ سے قیمتیں بڑھانے کے علاوہ کوئی چارہ نہیں بچا جس پر پی ٹی آئی حکومت نے دستخط کیے تھے۔

انہوں نے کہا کہ وہ پیٹرول کی قیمتوں میں اضافے کے اثرات سے بخوبی واقف ہیں، آئی ایم ایف اور پی ٹی آئی ڈیل کی تفصیلات پر قوم کو جلد اعتماد میں لیا جائے گا۔

وزیر اعظم نے حیرت کا اظہار کرتے ہوئے کہا کہ جن لوگوں نے آئی ایم ایف کے ساتھ اب تک کا بدترین معاہدہ کیا اور واضح طور پر خراب معاشی فیصلے کیے ان میں سچ کا سامنا کرنے کا ضمیر ہے؟

انہوں نے کہا کہ یہ کیسے بے گناہ ہونے کا ڈرامہ کر سکتے ہیں جب کہ قوم جس سے گزر رہی ہے وہ صاف ظاہر ہے۔

انہوں نے واضح کیا کہ آئی ایم ایف پی ٹی آئی ڈیل کی تفصیلات پر جلد قوم کو اعتماد میں لیں گے اور ہم ان معاشی مشکلات سے جلد نکلیں گے۔