پاکستان تحریک انصاف کے اہم اور سینیئر رہنماؤں کے گرفتاری کے وارنٹ جاری کیے جانے پر پارٹی کی جانب سے شدید مذمت کی گئی ہے۔

تفصیلات کے مطابق سماجی رابطے کی ویب سائٹ پر پی ٹی آئی رہنما فواد چوہدری نے اپنے ساتھیوں کی گرفتاری کے وارنٹ جاری کیے جانے پر اپنے خیالات کا اظہار کیا ہے۔

انہوں نے کہا کہ ابھی علم میں آیا ہے محمود الرشید اور اعجاز چوہدری سمیت درجنوں تحریک انصاف کے رہنماؤں کو گرفتار کرنے کیلئے وارنٹ لئے گئے ہیں۔

فواد چوہدری نے کہا ہے کہ مقبوضہ کشمیر میں مودی کشمیریوں کے خلاف دہشت گردی کے پرچے کٹوا رہا ہے یہاں اس کے بزنس پارٹنر تحریک انصاف کے رہنماؤں پر دہشت گردی کے پرچے کاٹ رہے ہیں۔

حماد اظہر اور شفقت محمود کے خلاف دہشت گردی کے پرچے کاٹے گئے ہیں مقبوضہ کشمیر میں مودی کشمیریوں کے خلاف دہشت گردی کے پرچے کٹوا رہا ہے یہاں اس کے بزنس پارٹنر تحریک انصاف کے رہنماؤں پر دہشت گردی کے پرچے کاٹ رہے ہیں ہم اس بیہودہ روش کی سخت مذمت کرتے ہیں، جدوجہد جاری ہے انشاللہ https://www.bolnews.com/urdu/latest/2022/06/785316/amp/

— Ch Fawad Hussain (@fawadchaudhry) June 10, 2022

ان کا کہنا تھا کہ عدالتوں کو تحریک انصاف کے کارکنان کا ریڈ زون آنا بہت برا لگتا ہے لیکن کارکنان پر وحشیانہ تشدد، جعلی دہشت گردی کے پرچے ”معمول کی کارروائی“ ہیں۔

انہوں نے کہا کہ ہیں ہم حکومت کے اس بیہودہ روش کی سخت مذمت کرتے ہیں اور یہ جدوجہد جاری ہے۔

خیال رہے کہ انسداد دہشت گردی کی  خصوصی عدالت نے تحریک انصاف کے رہنماؤں کے وارنٹ گرفتاری جاری کردیئے ہیں جس کے لئے پولیس نے پی ٹی آئی رہنماؤں کی گرفتاری کے لیے عدالت میں درخواست دی تھی۔

بعداز سماعت پی ٹی آئی رہنما شفقت محمود ،حماد اظہر، ڈاکٹر یاسمین راشد سمیت دیگر کے وارنٹ گرفتاری جاری کیے ہیں۔