ڈاکٹر یاسمین راشد نے کہا ہے کہ پی ٹی آئی کی پوری ٹیم کو کیس میں الجھا رکھا ہے تاکہ الیکشن کی تیاری نہ کرسکیں۔

پاکستان تحریک انصاف کی رہنما ڈاکٹر یاسمین راشد نے سیشن ہورم ہب لاہور میں میڈیا سے گفتگو کرتے ہوئے کہا کہ ضمنی الیکن نزدیک آرہا ہے۔

انہوں نے کہا کہ تحریک انصاف کی پوری ٹیم کو مصروف رکھا ہوا ہے صبح آتے اور پیشیاں بھگتے رہتے ہیں تاکہ الیکشن کی تیار نہ کر سکیں۔

یاسمین راشد نے مزید کہا کہ ان غنڈوں نے شبیر گجر کے آفس پر حملہ گیا اسکے بھتیجے کو بھی زخمی کیا، میں پھر دوبارہ کہنا چاہتی ہو کہ نیوٹرل جو ہے وہ نیوٹرل ہی رہے۔

دوسری جانب پاکستان تحریک انصاف کے رہنما میاں محمود الرشید نے سیشن ہورم ہب لاہور میں میڈیا سے گفتگو کرتے ہوئے کہا کہ سترہ جولائی کے الیکشن کو ناکام کرنے کیلئے یہ حربے استمعال کر رہے ہیں۔

محمود الرشید نے کہا کہ الیکشن نزدیک آرہے ہیں ہمارے رہنماؤں کو اسطرح ضمنیوں میں نامزد کر کے یہ الیکشن کو ناکام نہیں بنا سکتے۔

انہوں نے کہا مزید کہا کہ ہم تمام اداروں کو اپیل کرتے ہیں الیکشن کو شفاف بنایا جائے، ہزاروں ووٹ دوسرے علاقوں میں ٹرانسفر کر دیئے  گئے، ہم نے الیکشن کمیشن کو ایک خط بھی لکھا ہے۔