کیلے کا چھلکا جسے عام طور پر پھینک دیا جاتا ہے اس کے بھی لاتعداد فائدے ہیں۔

آج ہم اس آرٹیکل میں آپ کو ان چھلکوں کے وہ فائدے بتارہے ہیں جو آپ کی جلِد کو ایسی تازگی اور چمک دینگے جو مہنگی سے مہنگی کریم بھی نہیں دے سکتی۔

دانے اور نشانات

جِلد پر دانے یا داغ دھبے ختم کرنے کے لئے کیلے کے چھلکے کا ایک ٹکڑا لیں۔ اب اس پر ایک لیموں کا رس ٹپکائیں اور ایک چمچ شہد اچھی طرح پھیلا لیں۔

اب اس چھلکے کو اپنی جلد پر دس سے بارہ منٹ تک ہلکے ہلکے ملیں۔

آدھا گھنٹہ خشک ہونے دیں اور پھر ٹھنڈے پانی سے دھو لیں۔ چند دن مسلسل استعمال کرنے سے پرانے داغ بھی کم ہوجائیں گے۔

جھریاں ختم کرنے کے لئے

عمر کے بڑھتے اثرات اور جھریاں کم کرنے کے لئے اب مہنگی کریموں پر پیسہ ضائع کرنے کی کوئی ضرورت نہیں کیوں کہ وہی اجزاء آپ کو کیلے کے چھوٹے سے ٹکڑے میں بھی مل جاتے ہیں وہ بھی بنا کسی کیمیکل کے۔

جھریاں اور لٹکی ہوئی جلد کو واپس تازگی عطا کرنے کے لئے کیلے کے چھلکے کا چھوٹا ٹکڑا لیں اور اسے براہِ راست چہرے پر ملیں۔

خشک ہونے پر چہرہ ٹھنڈے پانی سے دھو لیں

آنکھوں کی سوجن

آنکھوں کے نیچے سوجن یا حلقے پڑ جائیں تو آنکھیں بند کرکے لیٹ جائیں اور کیلے کے چھلکے کے چھوٹے ٹکڑے کرلیں اور اسے آنکھوں کے نیچے رکھ لیں۔

کیلے کا چھلکا جلد کے لئے اچھا کیوں ہے؟

دراصل کیلے کا چھلکا اپنے پھل کی طرح پوٹاشئیم سے بھرپور ہوتا ہے جو جِلد کی نشوونما بہترین انداز میں کرتے ہیں۔

پوٹاشئیم جلِد کو جھریوں سے پاک اور نرم ملائم بناتا ہے۔ اس کے علاوہ چھلکے میں موجود لیکٹن نامی جز اپنے اندر اینٹی بیکٹیریل خصوصیات رکھتا ہے جن کی وجہ سے سرخ دانوں اور مہاسوں سے چھٹکارا حاصل کرنے میں مدد ملتی ہے۔

کیلے کے چھلکے میں وٹامن سی، اور بڑی مقدار میں وٹامن ای موجود ہوتا ہے جو جِلد کو ہر طرح صحت مند رکھنے میں مدد دیتا ہے۔