پاکستان تحریک انصاف کے رہنما شاہ محمود قریشی نے کہا ہے کہ تحریک انصاف کی شاندار فتح عوام کی طاقت کا مظہر ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں پاکستان تحریک انصاف کے رہنما شاہ محمود نے لکھا کہ تحریک انصاف کی شاندار فتح عوام کی طاقت کا مظہر ہے، وہ عوام جو تمام تر ریاستی مشینری،  مداخلت اور ظلم و جبر کے سامنے ڈٹے رہے اور جم کر مقابلہ کیا۔

تحریک انصاف کی شاندار فتح عوام کی طاقت کا مظہر ھے۔ وہ عوام جو تمام تر ریاستی مشینری, مداخلت اور ظلم و جبر کے سامنے ڈٹے رہے اور جم کر مقابلہ کیا۔ مجھے تمام پی ٹی آئی لیڈران, ورکرز اور زین قریشی پر فخر ھے جسطرح انہوں نے فتح اپنے نام کی۔ https://t.co/cXr30ZDNx3

— Shah Mahmood Qureshi (@SMQureshiPTI) July 17, 2022

انہوں نے کہا کہ مجھے تمام پی ٹی آئی لیڈران،  ورکرز اور زین قریشی پر فخر ہے،  جسطرح انہوں نے فتح اپنے نام کی۔

واضح رہے کہ پنجاب کے 20 حلقوں میں ہونے والے ضمنی انتخابات کے غیر حتمی اور غیر سرکاری نتائج کے مطابق پاکستان تحریک انصاف نے 15 نشستیں اپنے نام کرلی ہیں جب کہ مسلم لیگ (ن) کو صرف 3 سیٹوں پر کامیابی ملی اور ایک سیٹ آزاد امیدوار کے حصے میں آئی۔

پنجاب میں پی ٹی آئی اتحاد کو سادی اکثریت حاصل ہوگئی ہے اور یوں پنجاب کے وزارت اعلیٰ کی سیٹ اب تحریک انصاف کے امیدوار کی ہی ہوگی، پی ٹی آئی اتحاد نے 186 نشستیں حاصل کرلی ہیں، پنجاب میں پی ٹی آئی کی 176 اور مسلم لیک (ق) کی 10 نشستیں ہیں۔

پولنگ صبح آٹھ بجے شروع ہوئی جو بغیر کسی وقفے کے پانچ بجے تک جاری رہی، اس موقع پر سیکیورٹی کے سخت انتظامات کیے گئے تھے،  صوبے کے 14 اضلاع کے ضمنی انتخابات میں 175 امیدوار آمنے سامنے ہیں۔