محکمہ موسمیات کی جانب سے مون سون کی مزید بارشوں کی پیشگوئی کردی گئی ہے۔

تفصیلات کے مطابق وزیر اعلیٰ پنجاب حمزہ شہباز کی ہدایات پر ایم ڈی واسا غفران احمد کی زیر صدارت واسا ہیڈ آفس میں مون سون کی تیاریوں کے حوالے سے اجلاس کا انعقاد کیا گیا۔

اجلاس کی صدارت کرتے ہوئے ایم ڈی واسا غفران احمد نے کہا کہ بارشوں کے حوالے سے تمام ڈائریکٹرز کو پہلے سے زیادہ سخت محنت کرنی ہوگی۔

انہوں نے کہا کہ تمام ڈسپوزل اسٹیشنز کی سکرینوں کی صفائی کو یقینی بنائیں، ایمرجنسی کیپمس فعال رکھیں اسٹاف کی حاضریوں کو یقینی بنائیں جبکہ ڈی واٹرنگ سیٹس اور باقی مشینری کو بھی مکمل آپریشنل رکھیں۔

غفران احمد کا کہنا تھا کہ عید اور مون سون کی بارشوں کے حوالے سے آپریشنل اسٹاف کی چھٹیاں منسوخ کر دی گئی، تمام ڈسپوزل اسٹیشنز پر بجلی کی بندش کی صورت میں جنریٹرز کو استعمال کریں اور فیول کی فراہمی کو یقینی بنائیں۔

ان کا یہ بھی کہنا تھا کہ تمام عوامی نمائندوں کو اپنے ڈیسلٹنگ آپریشن شیڈول میں شامل رکھیں، بارش کے بعد نکاسی و آب کی مکمل نکاسی تک تمام افسران بمعہ عملہ و مشینری فیلڈ میں موجود رہیں۔

30 ایم ڈی واسا غفران احمد نے مزیدکہا کہ جون سے کشمیر روڈ زیر زمین واٹر ٹینک،شیرانوالہ گیٹ زیر زمین واٹر ٹینک اور سلطان احمد اچھرہ ڈسپوزل اسٹیشنز کو فعال کر دیا گیا ہے۔

اجلاس میں تمام ڈائریکٹرز  اور ایس ڈی اوز نے شرکت کی جبکہ ایم ڈی واسا غفران احمد ، ڈی ایم ڈی،محمد دانش، فیصل خرم، حافظ راحیل اشرف ، شاذل وقار، سہیل سندھو، سہیل قادر چیمہ سمیت دیگر افسران بھی شریک ہوئے۔