لاہورہائی کورٹ نے مراد راس کی درخواست واپس لینے کی بنیاد پرنمٹا دی۔

تفصیلات کے مطابق لاہورہائی کورٹ میں رہنما تحریکِ انصاف مراد راس کی پولیس کی جانب سے ہراساں کرنے کیخلاف اور مقدمات کے اخراج کیلئے درخواست پر سماعت ہوئی۔

لاہورہائیکورٹ نے مراد راس کی درخواست واپس لینے پر نمٹادی.

جسٹس شہرام سرورچودھری نے مراد راس کی درخواست پر سماعت کی۔ سماعت کے دوران وکیل مراد راس نے عدالت سے کہا کہ درخواست واپس لینا چاہتا ہوں۔

عدالت نے درخواست واپس لینے کی استدعا منظورکرتے ہوئے کیس نمٹا دیا۔

درخواست میں وزیراعظم، وزیراعلی پنجاب، وفاقی حکومت سمیت دیگر کو فریق بنایا گیا تھا۔

مراد راس نے درخواست میں مؤقف پیش کیا کہ 25 مئی سے لے کرحکومت بلا جوازغیر قانونی کارروائیاں کر رہی ہے، درخواست گزار کا پی ٹی آئی سے تعلق ہے، سیاسی بنیادوں پر مقدمات میں ملوث کیا جا رہا ہے۔

درخواست میں یہ مؤقف بھی اپنایا گیا کہ 25 مئی کو لانگ مارچ کے وقت پی ٹی آئی کارکنان اور رہنمائوں پر بد ترین تشدد کیا گیا۔ لانگ مارچ کے باعث نامعلوم مقدمات میں نامزد کیا جا رہا ہے۔

درخواست استدعا کی گئی کہ 25 مئی سے لیکر 11 جون تک درخواست گزار کیخلاف درج کئے گئے مقدمات کی تفصیلات فراہم کی جائیں۔ پولیس اور ریاستی اداروں کو درخواست گزار کو غیر قانونی ہراساں کرنے سے روکا جائے۔