اسپیکرقومی اسمبلی راجہ پرویز اشرف، سابق وزیرخزانہ شوکت ترین، سابق سیکرٹری پانی و بجلی شاہد رفیع کو عدالت سے بڑا ریلیف مل گیا۔

تفصیلات کے مطابق احتساب عدالت اسلام آباد کے جج سید اصغرعلی نے 6 نیب ریفرنسز واپس کرنے کا حکم دیتے ہوئے کہا کہ نیب قانون میں ترامیم کے بعد رینٹل پاور کیسز کا ٹرائل نہیں ہوسکتا۔

اسپیکر قومی اسمبلی راجہ پرویزاشرف، سابق وزیر خزانہ شوکت ترین کیخلاف نیب ریفرنسزمیں احتساب عدالت اسلام آباد نے دائر درخواستوں پر فیصلہ سنا دیا۔

احتساب عدالت نے رینٹل پاورپراجیکٹ سے متعلقہ چھ  ریفرنسز سات  سال بعد  نیب  کو واپس بھجوائے۔ راجہ پرویز اشرف پانچ جبکہ شوکت ترین دو ریفرنسز میں ملزم نامزد تھے۔

شوکت ترین ینگ جن اورسمندری پاور پلانٹ ریفرنسز میں ملزم نامزد تھے۔

احتساب عدالت کے جج اصغرعلی نے چھ ریفرنسز میں درخواستوں پر فیصلہ سناتے ہوئے حکم دیا کہ رینٹل پاور پراجیکٹس سے جڑے تمام ریفرنسز نیب کو واپس ہو گئے۔

عدالتی حکم کے مطابق نیب قانون میں ترمیم  کے بعد ریفرنسز احتساب عدالت کے دائرہ اختیارمیں نہیں آتے۔

ریشماں، گلف، ینگ جن ، گڈو، سمندری ، نوڈیرو ون ریفرنسز نیب کو واپس ہوئے۔

ریفرنسز میں ملزمان پر اربوں روپوں کی مبینہ بے ضابطگیوں کے الزامات لگائے گئے تھے۔ چھ ریفرنس میں 52 ملزمان نامزد تھے۔

احتساب عدالت نے کہا کہ نیب قانون میں ترامیم کے بعد رینٹل پاور کیسز کا ٹرائل نہیں ہوسکتا۔

احتساب عدالت کے جج سید اصغر علی نے 6 نیب ریفرنسز واپس کرنے کا حکم دیا۔