ایریزونا کے نیشنل میموریل میں سونورن ماؤنٹین نامی سانپ کی مہارت کے ساتھ دیوار پر چڑھنے کی ویڈیو سوشل میڈیا پر وائرل ہو گئی ہے۔

تفصیلات کے مطابق سونورن ماؤنٹین کنگز نامی سانپ نے ایریزونا میں کوروناڈو نیشنل میموریل میں ایک دیوار پر چڑھنے کی کوشش کو ویڈیو نیشنل پارکت سروس کے عملے نے کیمرے پر فلم بند کر لیا۔

ویڈیو میں دیکھا جا سکتا ہے کہ سانپ بڑی مہارت کے ساتھ دیوار کی اینٹوں کے درمیان خالی جگہ پر کامیابی کے اوپر چڑھتا جا رہا ہے۔

سانپ کا رنگ سرخ، سیاہ اور سفید تھا اور دیوار پر چڑھنے کے منظر حیران کن تھا، جسے صارفین نے بے حد پسند کیا۔

سونورن ماؤنٹین کنگز سانپ درمیانے سائز کے سانپ ہیں جن کے جسم پر سرخ، سیاہ اور سفید کراس بینڈ ہوتے ہیں۔ سوشل میڈیا صارفین اس کی چڑھنے کی مہارت سے بہت متاثر ہوئے اور کچھ لوگوں نے یہ بھی تبصرہ کیا کہ اس نے انہیں “نوکیا” پر سانپ گیم کی یاد دلادی۔

ایک صارف نے تبصرہ کیا مجھے لگتا ہے کہ اس کے لیے میوزک کی ضرورت ہے، ایک اور صارف نے لکھا کہ میں یہ گیم اپنے نوکیا پر کھیلتا تھا۔ اگرچہ گرافکس اتنے اچھے نہیں تھے.

کنگ سانپ کی ویب سائٹ کے مطابق، سونورن ماؤنٹین کنگز سانپ ایریزونا کے وسطی اور جنوب مشرقی پہاڑی علاقوں میں پائے جاتے ہیں۔