پاکستان اسٹاک ایکسچینج میں کاروباری ہفتے کے دوسرے روز انڈیکس میں منفی رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج (پی ایس ایکس) میں کاروباری ہفتے کے دوسرے روز انڈیکس میں ملاجلا رجحان رہا ، مندی کے باعث دن کے اختتام پر 100 انڈیکس میں 53 پوائنٹس کی کمی ہوئی۔

پی ایس ایکس 100 انڈیکس 53 پوائنٹس کی کمی سے 42 ہزار 796 پر بند ہوا ہے۔

کاروباری دن میں آج 100 انڈیکس 292 پوائنٹس کے بینڈ میں رہا جہاں کی بلند ترین سطح 43 ہزار 35 جبکہ کم ترین سطح 42 ہزار 748 رہی۔

حصص بازار میں آج 18 کروڑ 86 لاکھ شیئرز کے سودے ہوئے جن کی مالیت 7 ارب 41 کروڑ روپے رہی جبکہ مارکیٹ کیپٹلائزیشن 7 ارب روپے کم ہو کر 6 ہزار 861 ارب روپے ہے۔

دوسری جانب ڈالر کی قیمت میں مسلسل اتار چڑھاؤ کا سلسلہ جاری ہے، انٹر بینک میں ڈالر کی قیمت میں کاروباری ہفتے کے دوسرے روز بھی اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 22 پیسے کا اضافہ ہوا ہے۔

Interbank closing #ExchangeRate for todayhttps://t.co/o4tZuTWJVd pic.twitter.com/ayVWEYAp0M

— SBP (@StateBank_Pak) November 15, 2022

فاریکس ڈیلرز کے مطابق انٹربینک میں ڈالر 221.69 سے بڑھ کر 221.91 روپے پر بند ہوا ہے۔