پاک فوج کے ترجمان کا کہنا ہے کہ ادارے اور مخصوص افسر پر الزامات قابل قبول نہیں ہیں۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق چیئرمین پی ٹی آئی کی طرف سے ادارے اور ایک سینئیر آرمی آفیسر پر غیر ذمہ دارانہ الزامات بالکل بھی قابل قبول نہیں، یہ الزامات غیر ضروری ہیں۔

آئی ایس پی آر کے مطابق ادارے اور افسران پر لگائے گئے الزامات قابل مذمت ہیں ، پاک فوج ادارے اور اعلی افسر پر الزامات کو مسترد کرتی ہے۔

آئی ایس پی آر کا عمران خان کی نیوز کانفرنس پر ردعمل

Advertisement

بول نیوز سے براہ راست : https://t.co/U1uaRuOXKB #ISPR pic.twitter.com/mqMK8eErOj

— BOL Network (@BOLNETWORK) November 4, 2022

پاک فوج کے ترجمان کا کہنا ہے کہ کسی ادارے یا افسر کی ہتک عزت برداشت نہیں کی جائے گی ، وردی پوش اہلکاروں کے احتساب کا اندرونی نظام موجود ہے۔

آئی ایس پی آر کا یہ بھی کہنا ہے کہ کسی کو بھی ادارے یا اس کے افسران کو بدنام کرنے کی اجازت نہیں دی جائے گی۔

آئی ایس پی آرکا مزید کہنا ہے کہ حکومت اس معاملے کی تحقیقات کرے جبکہ اور بغیر کسی ثبوت کے ادارے اور اس کے اہلکاروں کے خلاف ہتک عزت اور جھوٹے الزامات کے ذمہ داروں کے خلاف قانونی کارروائی شروع کرے۔