امریکہ کے معروف گلوکار جیک وائٹ نے امریکی سابق صدر ڈونلڈ ٹرمپ کے ٹوئٹر اکاؤنٹ کی بحالی پر سخت احتجاج کیا۔

تفصیلات کے مطابق امریکی گلوکار جیک وائٹ نے سابق امریکی صدر ڈونلڈ ٹرمپ کے ٹوئٹر اکاؤنٹ کی بحالی پر شدید ردعمل کا اظہار کرتے ہوئے ایلن مسک کو فیصلہ واپس لینے کی درخواست کی۔۔

جیک وائٹ نے ڈونلڈ ٹرمپ کے ٹوئٹر اکاؤنٹ کی بحالی  کے بعد احتجاجاً اپنا ٹوئٹر اکاؤنٹ بھی ڈیلیٹ کردیا۔

گلوکار نے انسٹاگرام پر ایلون مسک کی جانب سے ڈونلڈ ٹرمپ کے ٹوئٹر اکاؤنٹ کی بحالی پر نوٹ شیئر کیا ۔نہوں نے ڈونلڈ ٹرمپ کے ٹوئٹر اکاؤنٹ کی بحالی کے فیصلے کو ’ناگوار‘ اور ’قابلِ مذمت‘ اقدام قرار دیا اور ایلون مسک سے درخواست کی کہ وہ ’سچائی‘ کا ساتھ دیں۔۔

جیک وائٹ نے آن لائن پول کے بعد ڈونلڈ ٹرمپ کے سابق ممنوعہ اکاؤنٹ کو دوبارہ بحال کرنے کے ٹویٹر کے مالک کے فیصلے پر ایلون مسک کو نشانہ بنایا۔ وائٹ سٹرپس کے سابق موسیقار نے اسے مسک کی جانب سے غلط حرکت قرار دیا۔

واضح رہے کہ سوشل میڈیا پلیٹ فارم ٹوئٹر خریدنے سے پہلے ایلون مسک نے اپنے مداحوں کو آگاہ کیا تھا کہ وہ ٹرمپ کا اکاؤنٹ دوبارہ بحال کرنے کا ارادہ رکھتے ہیں۔

گلوکار جیک وائٹ ایلون مسک کے اس اقدام سے مشتعل بہت سے عوامی شخصیات میں سے ایک تھے۔

جیک وائٹ نے سابق صدر کے اکاؤنٹ کی بحالی بالکل ناگوار قرار دیا اور ایک انسٹاگرام پوسٹ میں اکاؤنٹ کی بحالی کو “ایک گدھے کی حرکت” قرار دیتے ہوئے ایلون مسک کو سخت تنقید کا نشانہ بناتے رہے۔

جیک وائٹ نے کہا کہ ایلون مسک کا ارادہ اب معلوم ہوا ہے وہ جھوٹے لوگوں کو اپنا پلیٹ فارم دے رہا ہے، انہوں نے کہا کہ ٹرمپ کو ٹوئٹر سے ہٹا دیا گیا تھا کیونکہ اس نے متعدد بار تشدد کو ہوا دی تھی، لوگ اس کے جھوٹ اور انا کے نتیجے میں مارے گئے اور زخمی ہوئے۔