لندن میں شایان کو بول نیوز نے خصوصی کوریج دی۔

پاکستان مسلم لیگ (ن) لندن نے کالج میں جھوٹی شکایت کرکے سوشل میڈیا اسٹار شایان علی کا ٹوئٹر اکاؤنٹ بند کروادیا تھا جس کے بعد سوشل میڈیا پر متحرک رہنے والے شایان علی منظر عام سے اچانک غائب ہوگئے۔

لندن اسکاٹ لینڈ یارڈ پولیس نے گرفتاری کی تردید کردی۔ شایان علی کی والدہ کا کہنا ہے کہ میرے بیٹے کا اکاؤنٹ عارضی غیر فعال ہے ، شایان جلد واپس آجائیں گے۔

دوسری جانب ماہر قانون اظہر صدیق نے بول نیوز سے خصوصی گفتگو کرتے ہوئے کہا کہ وہ بچہ شایان لندن میں ان کو آئینہ دکھا رہا ہے اور وہ کرپشن ختم کرنے کی بات کررہا ہے، وہ اس کی کوئی ذاتی لڑائی نہیں ہے اور قوم اس کو پسند کرتی ہے، ان لوگوں نے جب دیکھا کہ وہ ہمت کے ساتھ کھڑا ہے تو اس کے خلاف پراپیگنڈہ شروع کردیا۔

اس کے کالج میں جھوٹی شکایات کرواکر اس کو کالج سے نکالنے کی تیاری کی اور شایان کے خلاف جعلی ایم میلز لکھیں، ان جھوٹی ای میل کے خلاف ہتک عزت کے دعوے دائر کردیے گئے ہیں جو لندن میں بھی دیکھیں جائیں گے اور پاکستان میں بھی ان لوگوں کو نوٹس دیے جائیں گے۔