آرمی چیف جنرل قمر جاوید باجوہ نے کوئٹہ گیریژن کا دورہ کیا ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کوئٹہ گیریژن کا دورہ کیا جہاں آرمی چیف نے یادگار شہداء پر حاضری اور پھولوں کی چادر چڑھائی۔
آئی ایس پی آر کا کہنا ہے کہ آرمی چیف نے افسران اور جوانوں سے بات چیت کی جبکہ سیلاب کے دوران صوبائی حکومت کی مدد اور امدادی کاموں کو سراہا۔
آئی ایس پی آر کا یہ بھی کہنا ہے کہ آرمی چیف نے کوئٹہ میں شیخ محمد بن زید النہیان ادارہ برائے امراض قلب کا افتتاح بھی کیا، کوئٹہ میں امراض قلب کا ادارہ یو اے ای کے تعاون سے قائم کیا گیا ہے۔
آئی ایس پی آر کے مطابق دورے کے موقع پر آرمی چیف نے صدر مملکت کی جانب سے عبداللہ خلیفہ سعیدالغافیلی کو ستارہ قائداعظم سے نوازا اور کمانڈ اینڈ اسٹاف کالج اور اسکول آف انفنٹری اینڈ ٹیکٹکس کا بھی دورہ کیا۔
اس موقع پر آرمی چیف نے کہا کہ بلوچستان کور نے حالیہ سیلاب کے دوران صوبائی حکومت کی بہترین معاونت کی ہے۔
آرمی چیف جنرل قمر جاوید باجوہ کا مزید کہنا تھا کہ کوئٹہ میں متحدہ عرب امارات کے تعاون سے قائم120بستروں کی پہلی کارڈیک سہولت ہے، ادارہ برائے امراض قلب بلوچستان اور کوئٹہ کے عوام کو علاج کی سہولیات فراہم کریگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News