عمران خان نے کہا ہے کہ گلگت بلتستان کے عوام لانگ مارچ میں شرکت کے لئے  بھرپور تیاری کریں۔

تفصیلات کے مطابق پاکستان تحریک انصاف کے چیئرمین عمران خان سے وزیراعلیٰ گلگت بلتستان خالد خورشید کی لاہور میں ملاقات ہوئی جس میں وزیراعلیٰ گلگت بلتستان خالد خورشید نے عمران خان کی عیادت کی۔

وزیراعلیٰ گلگت بلتستان نے جلد صحت یابی کے لئے گلت بلتستان کے عوام اور پی ٹی آئی کارکنان کی نیک تمنائیں اور دعائیں بھی عمران خان تک پہنچائی۔

خالد خورشید نے چیئرمین عمران خان کو آگاہ کیا کہ قاتلانہ حملےکے واقعے کے خلاف گلگت بلتستان بھر میں شدید احتجاج کیا گیا۔

 وزیراعلیٰ گلگت بلتستان خالد خورشید نےکہا کہ گلگت بلتستان کے عوام اور پی ٹی ائی ورکرز حقیقی آزادی لانگ مارچ میں شرکت کے لئے پرجوش ہیں، گلگت بلتستان بھر سے لانگ مارچ میں شرکت کیلئے بھرپور تیاریاں جاری ہیں

ملاقات میں عمران خان نے حقیقی آزادی لانگ مارچ کے حوالے سے  گلگت بلتستان کے عوام اور پی ٹی آئی ورکرز کے جوش و جزبے کو سراہا۔

سابق وزیراعظم اور پاکستان تحریک انصاف کے چیئرمین عمران خان نے مزید کہا کہ گلگت بلتستان کے عوام اور پارٹی کارکن حقیقی آزادی لانگ مارچ میں شرکت کے لئے  بھرپور تیاری کریں۔