پاکستان اسٹاک ایکسچینج میں کاروباری ہفتے کے دوسرے روز انڈیکس میں مثبت رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج میں کاروباری ہفتے کے دوسرے روز انڈیکس میں زبردست تیزی رہی، تیزی کے باعث ہنڈرڈانڈیکس 42 ہزار کی حد عبور کرگیا۔

مارکیٹ 167 پوائنٹس کے اضافے سے 42 ہزار 928 پر بند ہوئی۔

کاروباری دن میں 100 انڈیکس 312 پوائنٹس کے بینڈ میں رہا جبکہ بلند ترین سطح 43 ہزار 76 اور کم ترین سطح 42 ہزار 761 پوائنٹس رہی۔

حصص بازار میں آج 19 کروڑ شیئرز کے سودے ہوئے جن کی مالیت 6 ارب 78 کروڑ روپے سے زائد رہی۔

اسی طرح مارکیٹ کیپٹلائزیشن 13 ارب روپے بڑھ کر 6 ہزار 836 ارب روپے ہے۔

دوسری جانب انٹر بینک میں ڈالر کی قیمت میں کئی دن سے مسلسل اضافے کے بعد نئے کاروباری ہفتے کے  دوسرے روز کمی ریکارڈ کی گئی ہے۔

Interbank closing #ExchangeRate for todayhttps://t.co/4K9Da6FI3D pic.twitter.com/ntVUTgs9CZ

— SBP (@StateBank_Pak) November 21, 2022

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 24 پیسے کی کمی ہوئی ہے۔

فاریکس ڈیلرز کے مطابق انٹربینک میں ڈالر 223.66 سے کم ہو کر 223.42 روپے پر بند ہوا ہے۔