انڈونیشیا کے شہر بالی میں ہونے والی جی 20 سربراہی اجلاس میں چینی صدر نے کینیڈین وزیراعظم کو کھری کھری سنا دی۔

بھارتی میڈیا کی رپورٹ کے مطابق سوشل میڈیا پر چین صدر شی جن پنگ اور کینیڈین وزیراعظم جسٹن ٹروڈو کی ویڈیو وائرل ہو رہی ہے جس میں چینی صدر کینیڈین وزیراعظم کو سخت جملے کہہ رہے ہیں۔

The Cdn Pool cam captured a tough talk between Chinese President Xi & PM Trudeau at the G20 today. In it, Xi express his displeasure that everything discussed yesterday “has been leaked to the paper(s), that’s not appropriate… & that’s not the way the conversation was conducted” pic.twitter.com/Hres3vwf4Q

— Annie Bergeron-Oliver (@AnnieClaireBO) November 16, 2022

یہ ویڈیو انڈونیشیا کے شہر بالی میں جی 20 سربراہی اجلاس کے وقفے میں بنائی گئی تھی، جب چینی صدر اور کینیڈین وزیراعظم ایک دوسرے کے قریب پہنچ گئے تھے۔

چینی صدر نے ناراضی کا اظہار کرتے ہوئے کینیڈین وزیراعظم کو کہا کہ ہم نے جس چیز پر بھی بات کی وہ کاغذات سے لیک ہو گئی ہے، یہ مناسب نہیں ہے اور بات چیت کا یہ طریقہ نہیں ہے۔

چینی صدر نے یہ الفاظ چینی زبان میں کہے تھے لیکن ان کا ترجمان وہاں موجود تھا جس نے ان الفاظ کا انگلش میں ترجمہ کر کے جسٹن ٹروڈو کو بتایا۔

چینی صدر کے اس تلخ جملے پر کینیڈین وزیر اعظم نے کہا کہ کینیڈا میں ہم آزادانہ اور کھلے انداز میں بات چیت پر یقین رکھتے ہیں اور یہی ہمارا سلسلہ جاری رہے گا، اور ہم اس سے اختلاف کریں گے۔

کینیڈین وزیراعظم کا جواب مترجم نے چینی زبان میں چینی صدر کو سنایا جس کے بعد چینی صدر نے جسٹن ٹروڈو سے مصافحہ کیا، لیکن انہوں نے ایک ناراض ہیڈ ماسٹر کی طرح اپنا سر ہلاتے ہوئے کہا کہ یہ بہت اچھا ہے آیئے ہم پہلے ایسے حالات پیدا کریں۔

چینی صدر شی جی پنگ اور کینیڈین صدر جسٹن ٹروڈو کے مابین اس جملوں کے تبادلوں کو قریب کھڑے کیمرا مین نے ریکارڈ کر لیا۔

واضح رہے کہ منگل کو ٹروڈو نے چینی صدر سے ملاقات کی تھی اور ان کے دفتر نے کہا کہ انہوں نے کینیڈا کے انتخابات میں چینی مداخلت پر تشویش کا اظہار کیا ہے۔

ایک سرکاری ذریعے کے مطابق چینی صدر سے کینیڈین وزیر اعظم نے اپنی دس منٹ کی گفتگو میں یوکرین، شمالی کوریا میں جنگ اور موسمیاتی تبدیلی کے مسائل کے حوالے سے گفتگو کی تھی۔