پی ٹی آئی سینیٹر اعظم سواتی کی ویڈیو کے معاملے پر سابق وزیر خزانہ مفتاح اسماعیل نے عمران خان کے بیان کی حمایت کردی۔
تفصیلات کے مطابق مسلم لیگ ن کے رہنما اور سابق وفاقی وزیر خزانہ مفتاح اسماعیل نے سینیٹر اعظم سواتی ویڈیو کے معاملے پر چیئرمین پی ٹی آئی عمران خان کے بیان کی حمایت کردی۔
ٹوئٹر پر جاری بیان میں مفتاح اسماعیل نے عمران خان کے بیان کی حمایت کرتے ہوئے کہا کہ میں نے کبھی عمران خان کو ری ٹوئٹ کرنے کی ضرورت محسوس نہیں کی لیکن یہاں مجھے ان سے اتفاق ہے۔
I have never felt the urge to retweet Imran Khan but here I have to agree with him. The video of Begum Azam Swati is clearly beyond the pale. I feel ashamed that an honourable woman can be so humiliated in my country. This madness must stop. https://t.co/h9YLJVxjQD
Advertisement— Miftah Ismail (@MiftahIsmail) November 5, 2022
مفتاح اسماعیل نے کہا کہ اعظم سواتی کی اہلیہ سے متعلق ویڈیو سامنے آنا واضح طور پر اخلاق سے گرا ہوا معاملہ ہے، مجھے شرمندگی محسوس ہوتی ہے کہ میرے ملک میں ایک عزت دار خاتون کی اتنی تذلیل ہو سکتی ہے، یہ پاگل پن اب بند ہو جانا چاہیے۔
خیال رہے کہ سینیٹر اعظم سواتی نے پریس کانفرنس کی تھی اور کہا تھاکہ میری اور میری اہلیہ کی ویڈیو میری اہلیہ کوبغیرکسی نمبرکےفون پر بھجوائی گئی۔؎
بعد ازاں اس معاملے پر عمران خان نے ٹوئٹ کرتے ہوئے کہا کہ میں پاکستان کی طرف سے اعظم سواتی کی تہجد گزار اہلیہ کو پہنچنے والی تکلیف پر معافی مانگتا ہوں۔
دوسری جانب پیپلزپارٹی کے رہنما ندیم افضل چن نے ٹوئٹ کرتے ہوئے کہا کہ یہ اعظم سواتی صاحب کے ساتھ نہیں بلکہ انسانیت کے ساتھ زیادتی ہے، اس پر سپریم کورٹ کو نوٹس لینا چاہیے اور معاملے کی سنگینی کو دیکھتے ہوئے منطقی انجام تک جلدی پہنچنا چاہیے۔
پیپلزپارٹی کے سینیٹر مصطفی نواز کھوکھر نے ٹوئٹ کیا کہ اعظم سواتی صاحب کا یہ کلپ چیئرمین سینیٹ اور تمام پارلیمان کے منہ پر طمانچہ ہے، کبھی سوچا بھی نہ تھا کہ ہمارے انٹیلی جنس والے ہماری دینی، معاشرتی اخلاقیات کی اس طرح دھجیاں بکھیر دیں گے، اس ملک میں کسی کی عزت نفس محفوظ نہیں ۔۔ خدا کی لعنت ہو ان لوگوں پر۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News