نیپال کے دارالحکومت کھٹمنڈو میں ہونے والے ایک دوستانہ میچ میں نیپال نے پاکستان کی فٹ بال ٹیم کو ایک صفر سے شکست دے دی۔
تفصیلات کے مطابق بین الاقوامی فٹ بال سرکٹ میں واپسی کے بعد پاکستان فٹ بال ٹیم نے آج پاکستانی وقت کے مطابق شام چار بجے نیپال کے خلاف میچ کھیلا جس میں انہیں شکست کا سامنا کرنا پڑا۔
نیپال کے دارالحکومت کھٹمنڈو کے دشاراتھ فٹ بال اسٹیڈیم میں ہونے والے اس میچ میں پاکستانی فٹ بال ٹیم کی قیادت حسن بشیر نے کی جبکہ نائب محمد عمر حیات نائب کپتان تھے۔
نیپال کی جانب سے میچ کا واحد گول انجان بستا نے میچ کے 83 ویں منٹ میں کیا اور اپنی ٹیم کو اس میچ میں کامیابی دلائی۔
واضح رہے کہ بین الاقوامی فٹ بال سرکٹ میں واپسی آنے والی پاکستان ٹیم نے چار سال کے طویل وقفے کے بعد میچ کھیلا تھا۔
پاکستان اور نیپال کی ٹیموں کے درمیان یہ 16 واں میچ تھا۔ اس سے قبل پاکستان نے 7 جیتے اور 4 ہارے ہیں جبکہ 5 میچ ڈرا ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News