پاکستان اسٹاک ایکسچینج میں کاروباری ہفتے کے پہلے روز انڈیکس میں منفی رجحان ریکارڈ کیا گیا ہے۔
تفصیلات کے مطابق پاکستان اسٹاک ایکسچینج (پی ایس ایکس) میں کاروباری ہفتے کے پہلے روز انڈیکس میں ملاجلا رجحان رہا ، مندی کے باعث دن کے اختتام پر 100 انڈیکس میں 242 پوائنٹس کی کمی ہوئی۔
پی ایس ایکس 100 انڈیکس 242 پوائنٹس کی کمی سے 42 ہزار 850 پر بند ہوا ہے۔
کاروباری دن میں آج انڈیکس کی کم ترین سطح 42 ہزار 761 رہی جبکہ حصص بازار میں آج 18 کروڑ 55 لاکھ شیئرز کے سودے ہوئے جن کی مالیت 6 ارب روپے رہی۔
اسی طرح مارکیٹ کیپٹلائزیشن 29 ارب روپے کم ہو کر 6 ہزار 868 ارب روپے ہے۔
ڈالر کی قیمت اضافہ ریکارڈ
حالیہ معاشی بحران کے دوران ڈالر کی قیمت میں اتار چڑھاؤ کا سلسلہ جاری ہے، انٹر بینک میں ڈالر کی قیمت میں کاروباری ہفتے کے پہلے روز اضافہ ریکارڈ کیا گیا ہے۔
اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 5 پیسے کا اضافہ ہوا ہے۔
فاریکس ڈیلرز کے مطابق انٹربینک میں ڈالر 221.64 سے بڑھ کر 221.69 روپے پر بند ہوا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News