پاکستان اسٹاک ایکسچینج میں کاروباری ہفتے کے تیسرے روز انڈیکس میں مثبت رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج میں کاروباری ہفتے کے تیسرے روز انڈیکس میں زبردست تیزی رہی، تیزی کے باعث ہنڈرڈانڈیکس 42 ہزار کی حد عبور کرگیا۔

مارکیٹ 48 پوائنٹس کے اضافے سے 42 ہزار 880 پر بند ہوئی۔

کاروباری دن میں انڈیکس 250 پوائنٹس کے بینڈ میں رہا جہاں اس کی بلند ترین سطح 43 ہزار 40 اور کم ترین سطح 42 ہزار 790 رہی۔

حصص بازار میں آج 13 کروڑ 87 لاکھ شیئرز کے سودے ہوئے جن کی مالیت 5 ارب 14 کروڑ روپے رہی جبکہ مارکیٹ کیپٹلائزیشن 4 ارب روپے کم ہو کر 6 ہزار 831 ارب روپے ہے۔

دوسری جانب ڈالر کی قیمت میں مسلسل اتار چڑھاؤ کا سلسلہ جاری ہے، انٹر بینک میں ڈالر کی قیمت میں کاروباری ہفتے کے  تیسرے روز اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 39 پیسے کا اضافہ ہوا ہے۔

Interbank closing #ExchangeRate for todayhttps://t.co/Wqc6ypJpET pic.twitter.com/FjaKg8MIqR

— SBP (@StateBank_Pak) November 23, 2022

فاریکس ڈیلرز کے مطابق انٹربینک میں ڈالر 223.42 سے بڑھ  کر 223.81 روپے پر بند ہوا ہے۔