اقتصادی رابطہ کمیٹی (ای سی سی) نے کسان پیکج 2022 کی منظوری دے دی ہے۔
تفصیلات کے مطابق وفاقی وزیرخزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا جس میں الیکشن کمیشن کے لیے آئندہ عام انتخابات کے لیے47 ارب روپےگرانٹ کی منظوری مؤخر کی گئی ۔
اجلاس میں کسان پیکج 2022 کی منظوری دی گئی جبکہ اجلاس میں زرعی قرضوں کا حجم 1419 ارب سے بڑھا کر 1802 ارب روپے کر دیا گیا۔
ای سی سی کی جانب سے ڈی اے پی کھاد کی قیمت 13750 روپے سے کم کرکے 11250 روپے کرنے کی منظوری دی گئی۔
اجلاس میں وزیراعظم کامیاب جوان یوتھ انٹرپنورشپ اسکیم کا نام تبدیل کرنے کی تجویز منظور کی گئی، نیا نام وزیراعظم یوتھ بزنس اینڈ ایگریکلچر لون اسکیم مقرر کر دیا گیا۔
اجلاس کے دوران ای سی سی نے اسکیم کو چھوٹے کاروبار اور زرعی شعبے کیلئے زیادہ مفید بنانے کا فیصلہ کیا ، اسکیم کے تحت بلاسود مائیکرو اور زرعی قرضے دیئے جائیں گے۔
ای سی سی نے ہیوی الیکٹریکل کمپلیکس کی اراضی ہیوی مکینیکل کمپلیکس کو منتقل کرنےکی منظوری بھی دے دی جبکہ وجودہ مالی سال کورونا ویکسین کی خریداری کیلئے 2 ارب 92 کروڑ روپے کی منظوری دی گئی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News